Aguero ថាខ្លួននឹងចូលលេងបាល់វិញ បន្ទាប់ពីប្រកាសចូលនិវត្តន៍តែមិនមែនលេងនៅ Barca នោះទេ

January 10, 2023

អឺរ៉ុប៖ Sergio Aguero បានប្រកាសថារូបគេនឹងវិលត្រឡប់មកទីលានបាល់ទាត់វិញ ក្រោយប្រកាសចូលនិវត្តន៍បាន១៥ខែដោយសារជំងឺបេះដូង។

អតីតខ្សែប្រយុទ្ធ Sergio Aguero — អតីតខ្សែប្រយុទ្ធ Sergio Aguero

វីរបុរស Man City រូបនេះបានចាកចេញពីទឹកដី Etihad និងផ្ទេរមក Barcelona កាលពីឆ្នាំ២០២១ ប៉ុន្តែក៏ត្រូវបង្ខំចិត្តចូលនិវត្តន៍ពេលដឹងថាខ្លួនកើតជំងឺ arrhythmia ដែលជាជំងឺចង្វាក់បេះដូងលោតខុសធម្មតា។

Aguero ក៏បានសម្រាកពីទីលានបាល់ទាត់ចាប់តាំងពីពេលនោះមកតែក៏បានទៅអបអរក្រុមជម្រើសជាតិអាហ្សង់ទីន លើកពានបាល់ទាត់ពិភពលោកឆ្នាំ២០២២ផងដែរ។

យ៉ាងណាមិញ Sergio Aguero បានប្រកាសថាខ្លួននឹងមកលេងឲ្យក្លិប Barcelona Sporting Club ដែលស្ថិតក្នុងប្រទេសអេក្វាឌ័រ ក្នុងការប្រកួតមិត្តភាពជាមួយ Noche Amarilla នាថ្ងៃទី២៨ខែមករា ដែលជាការប្រកួតប្រមូលផ្ដុំដោយវីរបុរសបាល់ទាត់។

Aguero បាននិយាយថា៖"

ខ្ញុំនឹងរង់ចាំនៅទីនោះដើម្បីភាពសប្បាយរីករាយ។ ខ្ញុំបានទទួលការធ្វើតេស្តជាមួយអ្នកជំនាញបេះដូង ហើយខ្ញុំពិតជាមានសុខភាពល្អណាស់ ហើយខ្ញុំបានចាប់ផ្ដើមហ្វឹកហាត់ហើយ ដូច្នេះខ្ញុំអាចលេងនៅក្នុងការប្រកួតទល់នឹង Noche Amarilla បាន។ ខ្ញុំសង្ឃឹមថានឹងមានភាពរីករាយហើយមានអារម្មណ៍លើទីលានវិញ។ ខ្ញុំមានអារម្មណ៍ល្អណាស់ តែខ្ញុំត្រូវតែឃ្លាំមើលដើម្បីគ្រប់គ្រងសុខភាព ដូច្នេះខ្ញុំអាចលេងបាន ព្រោះនៅ១៥ថ្ងៃខាងមុខ ខ្ញុំក៏លេងបាល់ជាមួយមិត្តភក្តិមកពីបាសេឡូណានៅប្រទេសអេស្ប៉ាញដែរ។
— Sergio Aguero

ប្រភព៖ sportskeeda

ដៃគូរសហការ One Football

អានបន្ថែម