អបអរសាទរ! កីឡាករជម្រើសជាតិអង់គ្លេស រូបនេះយល់ព្រមផ្លាស់មកកាន់ Newcastle ហើយ

អឺរ៉ុប៖ ក្លិប Newcastle United និង Atletico Madrid បានយល់ព្រមគ្នាហើយក្នុងការលក់កីឡាករខ្សែការពារស្លាបស្តាំ Kieran Trippier មកកាន់ទឹកដីអង់គ្លេសក្នុងតម្លៃខ្លួនប្រមាណ ១២លានផោន (ឬប្រមាណ១៦លានដុល្លារ) បូកជាមួយនឹងលក្ខខណ្ឌផ្សេងៗទៀត។

ជាការពិតណាស់ Trippier បច្ចុប្បន្នដែលមានវ័យ៣១ឆ្នាំ ជា​ កីឡាករជម្រើសជាតិអង់គ្លេស ដែលធ្លាប់មានបទពិសោធន៍ក្រាស់ក្រែលនៅប្រទេសអង់គ្លេសជាមួយក្រុម Burnley និង Tottenham មុនផ្លាស់ទៅកាន់ Atletico Madrid កាលពីឆ្នាំ២០១៩។ យ៉ាងណាក្តី នៅពេលនេះ រូបគេបានវិលត្រឡប់មកកាន់ក្របខណ្ឌ Premier League វិញហើយដោយចូលរួមជាមួយ Newcastle។

ចំពោះការប្រកាសជាផ្លូវការអំពីវត្តមានរបស់ Trippier គ្រោងនឹងធ្វើឡើងនៅក្នុងពេលឆាប់ៗនេះ ខណៈ ការធ្វើតេស្តសុខភាពក៏បានធ្វើឡើងដោយជោគជ័យដូចគ្នា ខណៈ ការចាកចេញរបស់គេពី Atletico Madrid គឺ ជាការសម្រេចចិត្តចង់ចេញដោយខ្លួនឯង៕

ប្រភព៖​ Fabrizio Romano