ក្តៅៗ! Arsenal បានសម្រេចចិត្តចែកផ្លូវជាមួយកីឡាករឆ្នើមរូបនេះហើយ

អឺរ៉ុប៖ អ្នកកាសែតកីឡាដ៏ល្បីល្បាញ លោក Fabrizio Romano បានបញ្ជាក់យ៉ាងច្បាស់ថា កីឡាករ Alexandre Lacazette បានសម្រេចចិត្តចាកចេញពី Arsenal ហើយ ដោយ រូបគេនឹងវិលត្រឡប់មកកាន់ Lyon វិញ ខណៈ ការប្រកាសផ្លូវការនឹងធ្វើឡើងនៅថ្ងៃនេះតែម្តង។

ជាការពិតណាស់ Lacazette បានចូលរួមជាមួយ Arsenal នៅក្នុងឆ្នាំ២០១៧ ពី Lyon ហើយ ក្នុងរយៈពេល៥ឆ្នាំនេះ គេបានរួមចំណែកជួយក្រុមឈ្នះពានរង្វាន់ពីររួមមាន FA Cup និង FA Community Shield។​យ៉ាងណាក្តី ដោយសារតែកុងត្រារបស់គេជាមួយក្លិបបានអស់សុពលភាព ហើយ ការចរចារក៏ពុំបានធ្វើឡើង ដូច្នេះរូបគេ និង ក្លិបបានសម្រេចចិត្តចែកផ្លូវគ្នា ខណៈ កីឡាករសញ្ជាតិបារាំងខាងលើ បានចាកចេញក្នុងនាមជាកីឡាករដែលគ្មានតម្លៃខ្លួន។

សម្រាប់ការវិលត្រឡប់ទៅកាន់ Lyon នេះផងដែរ គឺ Lacazette បានចុះកុងត្រានៅប៉ុន្មានម៉ោងមុននេះបន្តិច ហើយ គេក៏បានតេស្តសុខភាពជោគជ័យផងដែរ រង់ចាំតែការប្រកាសជាផ្លូវការនៅថ្ងៃនេះ៕

ប្រភព៖​ Fabrizio Romano