សាហាវហួស! ប្រកួតដំបូង លោក Jose ដឹកនាំ Roma ឈ្នះក្រុម Montecatini ១០-០(មានវីដេអូ)

អឺរ៉ុប៖ កាលពីរាត្រីថ្ងៃ ព្រហស្បតិ៍ កន្លងទៅ ត្រូវនឹងថ្ងៃទី ១៥ ខែ កក្កដាឆ្នាំ ២០២១ ជាការប្រកួតលក្ខណៈមិត្តភាពកម្តៅសាច់ដុំមុនបើករដូវកាល រវាងក្រុម Romaទល់នឹងក្រុមមកពីលីគ Serie D, Montecatini។

ស្របពេលនេះ ជាការដឹកនាំប្រកួតដំបូងរបស់លោកJose Mourinho លោកបានជួយឱ្យក្រុម Roma ទទួលជ័យជម្នះទៅលើក្រុមMontecatini យ៉ាងចាស់ដៃក្នុងលទ្ធផល ១០ ទល់នឹង ០។

គួរបញ្ជាក់ថា កីឡាករ Mayoralរកបាន ៣ គ្រាប់ម្នាក់ឯងនៅនាទីទី (៣៤, ៥៤, ៨៨),ចំណែកឯកីឡាករ Santi របស់ក្រុម Montecatiniបានភ្លាត់ស៊ុតចូលទីខ្លួនឯងមួយគ្រាប់នៅនាទីទី ៤០,ហើយសម្រាប់គ្រាប់បាល់ផ្សេងៗទៀតមានដូចជា កីឡាករ Perez រកបាននៅនាទីទី ៩, កីឡាករ Mancini រកបានមួយគ្រាប់នៅនាទីទី ១៩, កីឡាករ Calafiori ស៊ុតបញ្ចូលទីនៅនាទីទី ៣៥, កីឡាករ Zaniolo ស៊ុតមួយគ្រាប់នៅនាទីទី ៦១, កីឡាករ Zalewski ស៊ុតបានមួយគ្រាប់ផងដែរនៅនាទីទី ៨០ និង មួយគ្រាប់ទៀតរកបានដោយកីឡាករ Diawaraនៅនាទីទី ៨៦៕

សូមទស្សនាវីដេអូខាងក្រោម៖