<p><b>ហូឡង់៖ </b>លោក <b>Marco Van Basten</b> ដែលជាអតីតជម្រើសជាងតិហូឡង់បាននិយាយថា ខ្សែប្រយុទ្ធ <b>Memphis Depay</b> ពុំមែនជាកីឡាករដែលស័ក្តិសមនឹងលេងឲ្យក្លិប Barcelona នោះឡើយដោយសារតែគេមិនសូវចូលចិត្តលេងជាក្រុមនិងភាគច្រើនផ្ដោតតែលើខ្លួនឯង។</p><figure style="text-align:center"><img src="https://cms.dmpcdn.com/article/2021/09/29/77cc8ab0-20d1-11ec-8c4e-ebdbb9b1567d_original.jpg" alt="ខ្សែប្រយុទ្ធ&amp;nbsp;Memphis Depay" style="width:100%"/><figcaption>ខ្សែប្រយុទ្ធ&nbsp;Memphis Depay</figcaption></figure><p>Barcelona បាននាំយក Depay ពីក្លិប Lyon ដោយគ្មានតម្លៃខ្លួនកាលពីទីផ្សារដោះដូរកីឡាកររដូវក្ដៅកន្លងទៅ ដែលមកទល់ពេលនេះ គេបានក្លាយជាតារាឆ្នើមប្រចាំក្រុម ដែលមានប្រជាប្រិយភាពនិងទទួលបានការគាំទ្រពីអ្នកគាំទ្រក្រោយការចាកចេញរបស់ Lionel Messi និង <b>Antoine Griezmann</b> ។</p><figure style="text-align:center"><img src="https://cms.dmpcdn.com/article/2021/09/29/78080d10-20d1-11ec-8ce2-35c81f1370f5_original.jpg" alt="ខ្សែប្រយុទ្ធ&amp;nbsp;Memphis Depay" style="width:100%"/><figcaption>ខ្សែប្រយុទ្ធ&nbsp;Memphis Depay</figcaption></figure><p>យ៉ាងណាមិញ លោក Van Basten បានបញ្ចេញយោបល់ថាបើ Depay ចង់លេងឲ្យ Barcelona បានយូរគឺត្រូវកុំអាត្មានិយមនិងកុំគិតពីខ្លួនឯងពេកគឺគួរតែលេងជាក្រុម។</p><figure style="text-align:center"><img src="https://cms.dmpcdn.com/article/2021/09/29/78519930-20d1-11ec-b6fb-bd10fa613c50_original.jpg" alt="ខ្សែប្រយុទ្ធ&amp;nbsp;Memphis Depay" style="width:100%"/><figcaption>ខ្សែប្រយុទ្ធ&nbsp;Memphis Depay</figcaption></figure><p>លោកបានថ្លែងថា៖<br></p><blockquote><aside>ខ្ញុំនៅមិនទាន់គិតថា គេ(Memphis Depay) គឺជាកីឡាកររបស់ Barca នោះឡើយ។ ខ្ញុំជឿថាគេជាកីឡាករឆ្នើមម្នាក់ តែខ្ញុំគិតថាគេចូលចិត្តលេងដោយផ្ដោតលើតែខ្លួនឯង។ គេធ្វើអ្វីគ្រប់យ៉ាងដោយខ្លួនឯងនិងនៅតែបន្តធ្វើបែបនេះជារឿយៗ។ ខ្ញុំគិតថាក្រុមនេះជាក្រុមដ៏ខ្លាំងមួយ គឺអ្នកត្រូវតែពូកែខាងលេងជាក្រុម។ អ្នកត្រូវតែប្រយុទ្ធជាក្រុម និងបោះបាល់ចែកគ្នាលេង ខ្ញុំមានគំនិតមួយថាគេចូលចិត្តធ្វើអីដោយខ្លួនឯងជ្រុលពេក ខ្ញុំមិនដឹងទេថាគេស័ក្តិសមនឹងក្លិបធំបែបនេះដែរឬអត់។</aside><label>— <i>លោក Marco Van Basten&nbsp;</i></label></blockquote><figure style="text-align:center"><img src="https://cms.dmpcdn.com/article/2021/09/29/788aaa90-20d1-11ec-9ee4-a5fb1b8341aa_original.jpg" alt="លោក Marco Van Basten" style="width:100%"/><figcaption>លោក Marco Van Basten</figcaption></figure><p><b>ប្រភព៖​</b> <a href="https://www.sportskeeda.com/football/news-i-doubts-player-barca-dutch-legend-marco-van-basten-explains-memphis-depay-good-fit-barcelona?ref=homepage">sportskeeda</a></p><div><h2>ដៃគូរសហការ One Football</h2><div style="margin:0 auto;max-width:100%;min-width:300px"><div style="position:relative;padding-bottom:56.25%;height:0;overflow:hidden"><iframe style="width:300px;min-width:100%;position:absolute;top:0;left:0;height:100%;overflow:hidden" src="https://embed.dugout.com/v2/?p=eyJrZXkiOiIiLCJwIjoidHJ1ZS1kaWdpdGFsLWtoIiwicGwiOiJnR2hGSHdZYSJ9" referrerPolicy="no-referrer-when-downgrade" width="100%" frameBorder="0" allowfullscreen="" scrolling="no"></iframe></div></div></div>

អា.ត្មានិយ.ម! លោក Van Basten ថាកីឡាករ Barca រូបនេះលេងបាល់ដូចមានតែឯង