គិតអ៊ីចឹងអត់? ជើងចាស់ Chiellini សង្ឃឹមថា ខ្សែបម្រើឆ្នើមនៅ PL រូបនេះនឹងឈ្នះពាន Ballon d'Or

September 29, 2021

អឺរ៉ុប៖ ខ្សែការពារជើងចាស់ក្រុមសេះបង្គង់ Juventus កីឡាករ Giorgio Chiellini បានគាំទ្រមិត្ដរួមក្រុមជម្រើសជាតិអ៊ីតាលី កីឡាករ Jorginho ក្នុងការឈ្នះពានរង្វាន់ Ballon d'Or នៅឆ្នាំនេះ។

Chiellini បានធ្វើការសារទចំពោះJorginho យ៉ាងខ្លាំងចំពោះភាពជោគជ័យ របស់គេនៅរដូវក្ដៅនេះពោលដោយបានឈ្នះពានរង្វាន់ Champions League ជាមួយក្រុមតោខៀវ Chelsea និងឈ្នះពារង្វាន់ UERO 2020 រួមគ្នាផងដែរ។

ខ្សែការពារវ័យ៣៧ឆ្នាំរូបនេះ បាននិយាយនៅក្នុងសន្និសីទសារព័ត៌មានកាលពីថ្ងៃអង្គារថា៖

ខ្ញុំសង្ឃឹមថាគាត់នឹងអាចឈ្នះគាត់ជាមិត្ដល្អររបស់ខ្ញុំ។ វាជាពានរង្វាន់មួយ ដែលមានអារម្មណ៍វាដូចជារបស់ខ្ញុំអ៊ីចឹងដែរ។ខ្ញុំតែងតែគិតថាគាត់ជាកីឡាករល្អ ប៉ុន្ដែបន្ទាប់ពីបានហ្វឹកហាត់ជាមួយគាត់ពីរបីវគ្គខ្ញុំកាន់តែប្រាកដថាគាត់ល្អប៉ុណ្ណា គាត់ជាកីឡាករកំពូលប៉ុណ្ណា។ មានការលើកឡើងជាច្រើនថាគាត់លេងបានល្អតែជាមួយក្រុមជម្រើសជាតិអ៊ីតាលីទេ ប៉ុន្ដែគ្រប់កន្លែងដែលគាត់ទៅលេងគាត់តែងតែជាប់ជម្រើសដំបូងជាទៀងទាត់។ ខ្ញុំពិតជាសង្ឃឹមថាគាត់ នឹងឈ្នះ Ballon d'Or៕
— សម្ដី Chiellini

ប្រភព៖ goal

ដៃគូរសហការ One Football

អានបន្ថែម