Son Heung-min ឆ្លើយតបទៅកាន់អ្នកកាសែតនៅពេលត្រូវបានសួរពីអនាគតរបស់ Harry Kane បែបនេះ

អង់គ្លេស៖ កីឡាករខ្សែប្រយុទ្ធសញ្ជាតិកូរ៉េខាងត្បូងរបស់កិ្លបមាន់ខ្នាយមាស Tottenham Hotspur​ គឺកីឡាករ Son Heung-min បានធ្វើការឆ្លើយតបទៅកាន់អ្នកកាសែតភ្លាមៗបន្ទាប់ពីរូបគេត្រូវបានសាកសួរអំពីអនាគតរបស់កីឡាករមិត្តរួមក្រុមរបស់គេគឺ កីឡាករ Harry Kane ។​

បច្ចុប្បន្នកីឡាករខ្សែប្រយុទ្ធវ័យ ២៧ ឆ្នាំរបស់ក្រុមមាន់ខ្នាយមាស Tottenham HotSpurs ត្រូវបានផ្សារភ្ជាប់ជាមួយនឹងការចាកចេញឆ្ងាយពីភាគខាងជើងទីក្រុងឡុងដ៍នារដូវក្តៅនេះបន្ទាប់ពីមានការខកចិត្តជាច្រើនលើកច្រើនសារក្នុងការដែលក្រុមមាន់ខ្នាយមាសមិនអាចដណ្តើមពានរង្វាន់ English

Premier League តាំងពីបានចូលក្រុមដំបូងក្នុងរដូវកាល ២០១៣-១៤ ។​ គាត់បានបន្តរកគ្រាប់បាល់បាន ២២១ គ្រាប់ឧ្យក្រុម Spur ហើយរឿងដែរគួរឱ្យកត់សំគាល់នៅក្នុងរយៈពេលនោះដោយមិនមានពានរង្វាន់ណាមួយទេសម្រាប់ក្រុមមាន់ខ្នាយមាស Tottenham Hotspur ។​

បន្ទាប់ពីបញ្ជប់រដូវកាលម្ចាស់ជើងឯកក្របខ័ណ្ឌ Premier League ក្រុមមេឃខៀវ Manchester City កំពុងតែចាប់អារម្មណ៍ក្នុងការចុះហត្ថលេខាលើប្រធានក្រុមជម្រើសជាតិអង់គ្លេសរូបនេះដែលមានតំលៃខ្លួនរហូតដល់១៥០ លានផោនបន្ទាប់ពីការចាកចេញរបស់ Sergio Aguero ។ ឆ្លើយតបទៅនឹងការចោទសួររូបគេថា​ " តើមានការផ្ទេរកើតឡើងសម្រាប់ Harry kane​ ហើយឬនៅ ?​ "​ កីឡាកររូបនេះក៏បានឆ្លើយថា ​: អ្វីគ្រប់យ៉ាងមិនត្រូវបានសម្រេចចិត្តទេ។ ជាជាងបារម្ភអំពីការផ្ទេររបស់គាត់ខ្ញុំកំពុងព្យាយាមអស់ពីសមត្ថភាពនៅ Tottenham ។​ ខ្ញុំចង់ផ្តោតលើក្រុមជម្រើសជាតិនិង ក្រុមTottenham ហើយ ប្រហែលជា Kane ធ្វើដូចគ្នានៅពានរង្វាន់ Euro​ ២០២០​៕