Trippier ថាវិធីតែមួយគត់ដែលអាចបញ្ឈប់ខ្សែប្រយុទ្ធរូបនេះបាន គឺមានតែបន់ព្រះប៉ុណ្ណោះ

January 7, 2023

អង់គ្លេស៖ ខ្សែការពារ Kieran Trippier នៃក្លិប Newcastle បាននិយាយថារូបគេបានទទួលដំបូន្មានពីអតីតគ្រូគឺលោក Diego Simeone ថាវិធីតែម្យ៉ាងគត់ដែលអាចបញ្ឈប់ Lionel Messi បានគឺមានតែបន់ព្រះប៉ុណ្ណោះ។

Messi ត្រូវគេចាត់ទុកថាជាកំពូលខ្សែប្រយុទ្ធឆ្នើមក្នុងពិភពបាល់ទាត់ ដែលធ្លាប់ឈ្នះ Ballon d'Or ដល់ទៅ៧ដង ហើយកាលពីពេលថ្មីៗនេះ រូបគេបានឈ្នះពានបាល់ទាត់ពិភពលោកឆ្នាំ២០២២ជូនជម្រើសជាតិ អាហ្សង់ទីន ផងដែរ។

Trippier វិញធ្លាប់លេងនៅ Atletico Madrid ចំនួន២ឆ្នាំកន្លះ ដោយក្នុងនោះបានជួបទតល់ជាមួយ Messi ចំនួន៥ដង គឺឈ្នះ២ប្រកួត ចាញ់២ប្រកួតនិងស្មើ១ដង។

ខ្សែប្រយុទ្ធ Lionel Messi និង Kieran Trippier

ថ្លែងពី Messi គឺ Trippier បាននិយាយថាសូម្បីលោក Simeone ក៏មិនដឹងពីវិធីបញ្ឈប់ Messi ដែរ៖

អ្នកមិនអាចបញ្ឈប់គេបានទេ។ វាពិតជាកំប្លែងណាស់ព្រោះសូម្បី Simeone ដែលជាអ្នកចាត់ការនិងជាជនជាតិអាហ្សង់ទីនផងនោះនោះ ក៏បាននិយាយមុនការប្រជុំថាឲ្យពួកយើងនាំគ្នាបន់ព្រះទៅ។ អ្នកមិនអាចធ្វើអ្វីបានទេ។ អ្នកមិនអាចរៀបផែនការបញ្ឈប់គេបានទេព្រោះគេជាកីឡាករខុសប្លែកពីអ្នកដទៃ។
— ខ្សែការពារ Kieran Trippier

ខ្សែការពារ Kieran Trippier — ខ្សែការពារ Kieran Trippier

ប្រភព៖ sportskeeda

ដៃគូរសហការ One Football

អានបន្ថែម