ធូរថ្លៃម៉្លេះ! Barca គ្រោងនឹងលក់កីឡាករខ្លួនម្នាក់នេះក្នុងតម្លៃតិចជាង៥លាន

អេស្ប៉ាញ៖ ក្លិប Barcelona ត្រូវបានគេរាយការណ៍ថាចង់លក់ខ្សែការពារ Oscar Mingueza ក្នុងតម្លៃ ៥លានដុល្លារ ប៉ុន្តែពេលនេះក្លិបបានបន្ថយតម្លៃផ្ទេរមកត្រឹម តិចជាង ៥លានដុល្លារ ខណៈមានក្លិប៦កំពុងចាប់អារម្មណ៍ចង់បានគេ។

Mingueza ដែលជាកីឡាករបណ្ដុះចេញពីថ្នាលយុវជនរបស់ Barcelona មិនត្រូវបានរាប់បញ្ចូលក្នុងគម្រោងរបស់លោក Xavi Hernandez នោះឡើយហើយក្លិបព្យាយាមស្វែងរកទីផ្សារសម្រាប់លក់គេចេញ។

ក្លិបដែលចង់បានគេរួមមាន RC Celta Vigo, Real Valladolid, Getafe CF, Galatasaray, AEK Athens និង TSG Hoffenheim ជាដើម។

យ៉ាងណាមិញ Oscar Mingueza ចង់បន្តស្នាក់នៅ ក្លិបនៅប្រទេសអេស្ប៉ាញបន្តទៀត។

គួរបញ្ជាក់ផងដែរថា Oscar Mingueza បានឡើងមកលេងឈុតធំនៅជំនាន់លោក Ronald Koeman ដឹកនាំ ដោយបង្ហាញខ្លួនបាន៣៩ប្រកួតនៅរដូវកាល២០២០/២១។ យ៉ាងណាមិញ ពេល Xavi Hernandez ចូលមកដឹកនាំ នាទីលេងរបស់ Mingueza ត្រូវកាត់បន្ថយគឺបង្ហាញខ្លួនបាន២៧ប្រកួតប៉ុណ្ណោះ៕

ប្រភព៖​ sportskeeda