លាហើយ! ​លេចឮថាតារាឆ្នើម Juventus រូបនេះនឹងផ្លាស់ទៅ Inter Milan នៅរដូវកាលក្រោយ

អ៊ីតាលី៖ខ្សែប្រយុទ្ធ Paulo Dybala នឹងចាកចេញពីក្លិបសេះបង្កង់ Juventus នៅដំណាច់រដូវកាលនេះដោយគ្មានតម្លៃខ្លួនដោយត្រៀមផ្លាស់ទៅចូលរួមជាមួយ Inter Milan។

​កុងត្រារបស់កីឡាករសញ្ជាតិអាហ្សង់ទីនរូបនេះជាមួយ Juventus នឹងអស់សុពុលភាពត្រឹមចុងខែមិថុនានេះហើយដោយក្លិបនិងភ្នាក់ងាររបស់គេ ពុំបានព្រមព្រៀងគ្នាលើកុងត្រាថ្មីទេ។​

យ៉ាងណាមិញ លេចឮថាក្លិបធំៗនៅអេស្ប៉ាញដូចជា Atletico Madrid និង Barcelona ប៉ះចង់បាន Dybala ប៉ុន្តែសារព័ត៌មាន Gazetta dello Sport បានចុះផ្សាយថា Dybala នឹងផ្លាស់ទៅចូលរួមជាមួយ Inter Milan ដែលជាក្លិបគូប្រជែងរបស់ Juventus ទៅវិញ។

​Paulo Dybala នឹងចុះកុងត្រា៤ឆ្នាំស្នាក់នៅទឹកដី San Siro ដោយទទួលបានប្រាក់ឈ្នួលចំនួន​៦លានអឺរ៉ូ(ស្មើនឹងប្រមាណ ៦.៣០ លានដុល្លារ)ក្នុងមួយឆ្នាំ។​

គួរបញ្ជាក់ផងដែរថា Paulo Dybala បានចូលលេងចំនួន ២៨៩ប្រកួតឲ្យ Juventus ដោយស៊ុតបញ្ចូលទី១១៤គ្រាប់ និងបញ្ជូនបាល់ ៤៨គ្រាប់៕

ប្រភព៖​ football-espana