អីយ៉ាស់! ក្លិបអ្នកមានជាន់ថ្មី Newcastle កំពុងប្រជែងជាមួយ AC Milan ចង់បានកីឡាករ Real Madrid រូបនេះ

បរទេស៖ ក្លិបអ្នកមាននៅប្រទេសអង់គ្លេស Newcastle United ត្រូវបានលិចឮថាកំពុងតែប្រកួតប្រជែងជាមួយនឹងក្លិបអុីតាលី AC Milan ក្នុងការប្រមាញ់យកកីឡាករសញ្ជាតិអេស្ប៉ាញ Marco Asensio ពី Real Madrid។

ជាការពិតណាស់ Asensio បានចូលរួមជាមួយ Real Madrid តាំងពី ២០១៥មកម្លេះ ហើយគេសង្កេតឃើញកីឡាករខ្សែបម្រើប្រយុទ្ធរូបនេះកំពុងតែធ្លាក់ជើងថែមទៀត ខណៈកុងត្រារបស់គេជាមួយ Real នឹងផុតសុពលភាពនៅចុងរដូវកាលនេះផងដែរ។ ដូច្នេះ Real អាចនឹងបើកផ្លួវឱ្យ Asensio ដើរចេញពីក្លិបដោយគ្មានតម្លៃខ្លួន។ 

ទោះជាយ៉ាងណាក្តី គ្មានបញ្ហាសម្រាប់ Asensio នោះទេដោយសាមានក្លិបមួយចំនួនដែលកំពុងចាប់អារម្មណ៍រូបគេផងដែរ។ ដោយដំបូកឡើយក្លិប AC Milan របស់ Serie A ចង់បានរូបគេទៅចូលរួម ប៉ុន្តែស្រាប់តែក្លិប Newcastle ចង់ឆ្មក់យករូបគេដូចគ្នា។

ដូច្នេះ ប្រសិនបើ Marco Asensio ចេញពី Real ពិតមែន តើរូបគេនឹងចូលរួមជាមួយក្លិបណា?

ប្រភព៖​ ESPN