អស់ទាស់ហើយ! Kane យប់មិញព្រលះមួយជើងស្តាំអ៊េមហួស ជួយឱ្យ Spurs បំបាក់ Man City ១-០(មានវីដេអូ)

បរទេស៖ កាលពីថ្ងៃទី ០៥ ខែ កុម្ភៈ ឆ្នាំ ២០២៣ យប់មិញនេះក្រុមម្ចាស់ផ្ទះ Tottenham Hotspur បានបើកទ្វាកីឡដ្ឋាន Tottenham Stadium របស់ខ្លួន ទទួលស្វាគមន៍ក្រុមភ្ញៀវ Manchester City នៅក្នុងការប្រកួតសប្តាហ៍ទី ២២ នៃក្របខណ្ឌ Premier League។

នៅក្នុងការប្រកួតនៃក្រុមខ្លាំងទាំង ២ ពិតជាតានតឹងមែនទែន ប៉ុន្តែជារួមខាងក្រុមម្ចាស់ផ្ទះ Spurs ហាក់ធ្វើបានល្អជាង ដោយបញ្ចប់ការប្រកួតពួកគេទទួលជ័យជម្នះទៅលើ Man City ក្នុងលទ្ធផល ១-០ ដែលមួយគ្រាប់នោះគឺរកបានដោយ Harry Kane នៅនាទីទី ១៥។

គួរបញ្ជាក់ថា Spurs បច្ចុប្បន្នកំពុងឈរនៅលេខរៀងទី ៥ នៃក្របខណ្ឌ Premier League មាន ៣៩ ពិន្ទុក្នុងដៃ, ចំណែក Man City វិញពួកគេកំពុងបន្តឈរនៅលេខរៀងទី ២ ដដែលមាន ៤៥ ពិន្ទុ៕

សូមទស្សនាវីដេអូខាងក្រោម៖