Messi និង Mbappe កំពុងរំអុកឲ្យ PSG តាមយកតារា Man City ម្នាក់នេះ ក្រោយក្លិបជាប់រឿងអាស្រូវបំពា»_នច្បាប់ហិរញ្ញវត្ថុ

បារាំង៖ ខ្សែប្រយុទ្ធ Lionel Messi និង Kylian Mbappe កំពុងរំអុកចង់ឲ្យ PSG ទិញយកខ្សែបម្រើ Bernado Silva ពី Manchester City បន្ទាប់ពីក្រុមនេះធ្លាយរឿងអាស្រូវបំពានច្បាប់ហិរញ្ញវត្ថុ (Financial Fair Play) ។

សារព័ត៌មាន Express Sport បានចុះផ្សាយថា ទាំង Messi និង Mbappe ពិតជាពេញចិត្តសមត្ថភាពរបស់ Silva ខណៈដែលកីឡាករសញ្ជាតិព័រទុយកាល់រូបនេះលេចឮពាក្យចចាមអារ៉ាមថាចង់ចាកចេញពីទឹកដី Etihad តាំងពីរដូវកាល ២០២០-២០២១ មកម៉្លេះ។

​ដោយឡែក Man City កំពុងត្រូវខាង UEFA និង Premier League ចោទប្រកាន់ពីបទបំពានច្បាប់ហិរញ្ញវត្ថុដល់ទៅ១១៥ករណី ហើយអាចនឹងដាក់ពិន័យដក១៥ពិន្ទុ ឬដកក្រុមនេះចេញពី Premier League តែម្ដង។

​ដូច្នេះហើយមានកីឡាករក្នុងក្រុមដែលចង់ចាកចេញ ក្នុងនោះក៏ទំនងជាមាន Bernado Silva ដែរ។ គួរបញ្ជាក់ផងដែរថា Silva នៅសល់កុងត្រាជាមួយ Man City រហូតដល់ឆ្នាំ២០២៥៕

ប្រភព៖​ sportskeeda