Neville ថាជើងខ្លាំង Man UTD ម្នាក់នេះជះឥទ្ធិពលអាក្រក់ដល់ Maguire, Bruno និង Cavani

May 27, 2022

អង់គ្លេស៖ លោក Gary Neville ជឿថាការមកដល់របស់ខ្សែប្រយុទ្ធ Cristiano Ronaldo បានជះឥទ្ធិពលអាក្រក់ដល់ ខ្សែបម្រើ Bruno Fernandes, Edinson Cavani និង Harry Maguire ។

ខ្សែបម្រើ Bruno Fernandes និង Edinson Cavani

នៅរដូវកាលនេះ Man UTD ពិតជាដុនដាបណាស់ដោយបានត្រឹមឈរលេខ៦ក្នុងតារាង Premier League ដែលមានន័យថាក្រុមគ្មានកៅអីលេង Champions League នារដូវកាលក្រោយឡើយ ដែលជាហេតុធ្វើឲ្យ Ronaldo ដែលស៊ុតបញ្ចូលទីបាន២៤គ្រាប់ នោះកំពុងគិតចង់ចាកចេញពីក្លិបប៉ុន្តែលោក Neville ជឿថារូបគេនឹងស្នាក់នៅក្លិបបន្តទៀត។

Neville ក៏បាននិយាយពីការជះឥទ្ធិពលអាក្រក់របស់ Ronaldo ទៅលើមិត្តរួមក្រុមដូចជា Cavani, Bruno និង Maguire ដែរថា៖

ខ្ញុំគិតថាគេនឹងស្នាក់នៅក្លិបបន្ត។ ខ្ញុំគិតថាកាលពីដើមរដូវកាល គឺគេបានបង្កបញ្ហាភ្លាមៗដល់ Cavani ទៅហើយ។ Cavani ត្រូវក្លិបទទូចសុំឲ្យស្នាក់នៅបន្ត និងដឹកនាំក្រុមនៅតំបន់ប្រយុទ្ធប៉ុន្តែនៅពេលពួកគេទិញយក Ronaldo គឺ Cavani ចប់បាត់ទៅហើយ។ ម្យ៉ាងទៀតបរិយាកាសក្នុងបន្ទប់សំលៀកបំពាក់ក៏ធ្វើឲ្យ Bruno មិនសប្បាយចិត្តដែរ។ខ្ញុំគិតថា Bruno ចាត់ទុកគេដូចជាឪពុកធម៌នៅក្រុមជម្រើសជាតិព័តទុយកាល់ដូច្នេះវាធ្វើឲ្យគេមានអារម្មណ៍តូចទាបជាងកាលពីមុនទៅទៀតហើយក៏ធ្វើឲ្យ Maguire មានអារម្មណ៍ថាខ្លួនឯងគ្មានអំណាចក្នុងនាមជាប្រធានក្រុមដែរ ហើយ Ronaldo មិនបានធ្វើអីដោយផ្ទាល់ទេ គ្រាន់តែវត្តមានរបស់គេនៅលើទីលានធ្វើត្រាប់តាមសម្ដី Ronaldo ខណៈ Harry ព្យាយាមតាំងខ្លួនជាប្រធានក្រុម United ។
— លោក Gary Neville

ប្រភព៖ metro

ដៃគូរសហការ One Football

អានបន្ថែម