Arsenal ចាប់អារម្មណ៍លើខ្សែការពារកណ្តាលមួយរូបរបស់ក្រុម Wolves

អង់គ្លេស៖ ក្លិបបាល់ទាត់កាំភ្លើងធំ Arsenal បានចាប់អារម្មណ៍លើខ្សែការពារកណ្តាលមួយរូបរបស់ក្រុម Wolverhampton Wanderers FC គឺកីឡាករ Conor Coady សញ្ជាតិអង់គ្លេសវ័យ២៨ឆ្នាំ នេះបើយោងតាមការបញ្ជាក់របស់គេហទំព័រ Goal។ ដោយតម្លៃខ្លួនលើទីផ្សារនាពេលបច្ចុប្បន្នរបស់ប្រធានក្រុម Wolver រូបនេះប្រមាណ ២២.៥លានផោន។

ដោយឡែកវីរបុរសរបស់ក្រុមកាំភ្លើងធំ Arsenal លោក Sol Campbell បានក៏បានប្រាប់ទៅខាងក្លិប ឲ្យចុះហត្ថលេខាយកកីឡាករ Conor Coady របស់ក្រុម Wolverhampton Wanderers រូបនេះផងដែលដោយលោកជឿជាក់ថាកីឡាករសញ្ជាតិអង់គ្លេសរូបនេះអាចបំពេញចន្លោះខ្វះខាតនៅតំបន់ការពារ ក៏ដូចជាជំនួសកន្លែង David Luis ដែលគ្រោងចាកចេញពីក្លិបនារដូវក្តៅនេះផងដែរ៕

ប្រភព៖​ Goal