ផ្លូវការ! តារាឆ្នើម Liverpool រូបនេះ ព្រមបន្ដកុងត្រារហូតដល់ឆ្នាំ ២០២៦

August 4, 2021

អង់គ្លេស៖ ក្លិបហង្សក្រហម Liverpoolបានប្រកាសជាផ្លូវការ អំពីការបន្ដកុងត្រាថ្មីរបសខ្សែបម្រើ Fabinhoរយៈពេល៥ឆ្នាំទៀត រហូតដល់ខែមិថុនា ឆ្នាំ២០២៦។

ពិតណាស់ Fabinho ជាកីឡាករសំខាន់មួយរូបរបស់ក្រុមលោកJurgen Klopp ខណៈក្រុម Liverpool បានដាក់គោលដៅឈ្នះពាន Premier League ម្ដងទៀតនិងអាចឡើងដល់វគ្គសំខាន់ក្នុងពាន ChampionsLeague ដូច្នេះ ខ្សែបម្រើសញ្ជាតិប្រេស៊ីលរូបនេះនឹងក្លាយជាផ្នែកសំខាន់ក្នុងគោលដៅនេះ។

ក្រោយបន្ដកុងត្រាថ្មី Fabinhoបាននិយាយថា៖

ខ្ញុំរីករាយដែលបានចុះកុងត្រាថ្មីជាមួយក្លិប។ ខ្ញុំមានគំនិតវិជ្ជមានអំពីការបន្ដកុងត្រាថ្មីនេះតាំងពីចាប់ផ្ដើមការពិភាក្សាដំបូងមកម្ល៉េះ ព្រោះវាជាអ្វីដែលខ្ញុំចង់បានពោលគឺការបន្ដលេងនៅក្លិប Liverpool ។ ឥឡូវនេះ វាផ្លូវការហើយខ្ញុំរីករាយណាស់។
— Fabinho

Fabinho បន្ដថា៖

យើងសម្រេចបានអ្វីៗជាមួយគ្នាហើយសម្រាប់ខ្ញុំ ខ្ញុំគិតថាទីនេះជាកន្លែងល្អបំផុត ដើម្បីបន្ដការរៀនសូត្រពីក្រុមគ្រូបង្វឹកក៏ដូចជាមិត្ដរួមក្រុម។ សង្ឃឹមថា យើងនឹងបន្ដសម្រេចបាននូវអ្វីដែលល្អៗ៕
— Fabinho

ប្រភព៖ besoccer

អានបន្ថែម