អង់គ្លេស៖ អ្នកចាត់ការក្រុមហង្សក្រហម Liverpoolលោក Jurgen Klopp បានសារភាពថា លោកពិតជាមានការភ្ញាក់ផ្អើលដែលកូនក្រុមរបស់លោក កីឡាករ TrentAlexander-Arnold មិនត្រូវបានជម្រើសជាតិអង់គ្លេស កោះហៅសម្រាប់ការប្រកួតជម្រុះ​ World Cup កាលពីខែមុននេះ។<figure style="text-align:center"><img src="https://cms.dmpcdn.com/article/2021/04/03/178b3700-9431-11eb-bea4-9b7a915c0478_original.png" alt="" style="width:100%"/></figure>កីឡាករវ័យ២២ឆ្នាំខាងលើ ធ្លាប់បានជាប់ជម្រើសជាតិអង់គ្លេសឈុតធំបាន១២ប្រកួតមកហើយ ប៉ុន្តែសម្រាប់ការប្រកួតជម្រុះ World Cup ប៉ះក្រុមសាន់ម៉ារីណូ, អាល់បានី និងប៉ូឡូញកន្លងទៅថ្មីៗនេះ រូបគេ មិនត្រូវបានលោក Gareth Southgate កោះហៅនោះទេ ដោយលោកគ្រូសញ្ជាតិអង់គ្លេសរូបនេះ យល់ឃើញថា ទម្រង់លេងរបស់​Arnold មានការធ្លាក់ចុះ ក្នុងរយៈពេល២ឆ្នាំចុងក្រោយ។<figure style="text-align:center"><img src="https://cms.dmpcdn.com/article/2021/03/20/f5ddbde0-8949-11eb-a403-33d334b99f04_original.png" alt="" style="width:100%"/></figure>ទាក់ទងនឹងការសម្រេចចិត្តរបស់លោក Southgateបានធ្វើឲ្យលោក Klopp មានការងឿយឆ្ងល់ជាខ្លាំង ដោយលោកបានថ្លែងយ៉ាងដូច្នេះថា៖<blockquote><aside>ខ្ញុំពិតជាមានការភ្ញាក់ផ្អើល ដែល Arnold មិនបានកោះហៅ។ ខ្ញុំគោរពទៅលើការសម្រេចចិត្ត ប៉ុន្តែនិយាយឲ្យត្រង់ ខ្ញុំពិតជាមិនយល់។ ខ្ញុំខ្លួនឯងផ្ទាល់ ជាអ្នកចាត់ការ ហើយខ្ញុំត្រូវធ្វើការសម្រេចចិត្តជារៀងរាល់ថ្ងៃ រៀងរាល់ចុងសប្ដាហ៍ រៀងរាល់ពាក់កណ្ដាលសប្ដាហ៍ សម្រាប់ការជ្រើសរើស ដាក់កីឡាករចូលលេង។ ពួកយើងតែងតែធ្វើការសម្រេចចិត្ត ដែលអ្នកដទៃ ប្រហែលជាមិនអាចយល់។ ដូច្នេះប្រសិនបើ Trent Alexander-Arnold មិនស្ថិតក្នុងក្រុមជម្រើសជាតិអង់គ្លេសទេ នោះអង់គ្លេសប្រាកដ នឹងមានចំណុចខ្លាំងណាមួយហើយ ខ្ញុំសូមនិយាយអ៊ីចឹងចុះ។</aside><label>— &nbsp; &nbsp;លោក&nbsp;Jurgen Klopp&nbsp;</label></blockquote><figure style="text-align:center"><img src="https://cms.dmpcdn.com/article/2021/04/03/1863bcb0-9431-11eb-bea4-9b7a915c0478_original.png" alt="&amp;nbsp; លោក&amp;nbsp;Jurgen Klopp&amp;nbsp;" style="width:100%"/><figcaption>&nbsp; លោក&nbsp;Jurgen Klopp&nbsp;</figcaption></figure>គួរបញ្ជាក់ដែរថា Liverpoolនឹងត្រូវធ្វើការធ្ងន់នៅយប់នេះដោយពួកគេ ត្រូវប៉ះក្រុមកាំភ្លើងធំ ArsenalនៅទឹកដីEmirates វេលាម៉ោង២រំលងអធ្រាត្រដែលជាការប្រកួតក្របខណ្ឌ PremierLeague សប្ដាហ៍ទី៣០៕

លោក Klopp មិនយល់ពីការសម្រេចចិត្តរបស់លោក Southgate ថាហេតុអ្វីមិនកោះហៅម្នាក់នេះចូលជម្រើសជាតិអង់គ្លេស