គិតអ៊ីចឹងអត់? Pogba សរសើរមិត្ដរួមក្រុមរូបនេះថា ជាអ្នកបញ្ចប់ទីល្អបំផុត

August 31, 2021

អង់គ្លេស៖ ខ្សែបម្រើក្រុមបិសាចក្រហមManchesterUnited កីឡាករ Paul Pogba បានចាត់ទុកមិត្ដរួមក្រុមកីឡាករ Mason Greenwood ថាជាអ្នកបញ្ចប់ទីល្អបំផុតដែលខ្លួនធ្លាប់បានលេងជាមួយ។

ពិតណាស់ Greenwood ជាខ្សែប្រយុទ្ធវ័យក្មេងដ៏មានទេព្យកោសល្យ ហើយរូបគេរកបាន៣គ្រាប់ហើយក្នុងរដូវកាលថ្មីនេះ ដោយរកបានពីការប្រកួតទល់នឹងក្រុម Leeds, Southampton និងការប្រកួតចុងក្រោយទល់នឹងក្រុម Wolves កាលពីថ្ងៃអាទិត្យ។

ថ្មីៗនេះដែរ Pogba ដែលជាមិត្ដរួមក្រុមបានសរសើរពីទេពកោសល្យរបស់ Greenwood យ៉ាងដូច្នេះថា៖

Mason ខ្ញុំគិតថាគេភាគច្រើនជំនាញជើងឆ្វេងគេតែងញាក់បាល់ដោយប្រើជើងឆ្វេង ប៉ុន្ដែនៅពេលស៊ុតវិញ គេអាចប្រើជើងទាំងសងខាង។ការបញ្ចប់ទីរបស់គេគឺហាក់មិនគួរឲ្យជឿ គេគឺជាអ្នកបញ្ចប់ទីដ៏ល្អបំផុតដែលខ្ញុំធ្លាប់ជួបនិងធ្លាប់ហ្វឹកហាត់ជាមួយ។ គេនៅក្មេងមែន តែសមត្ថភាពស្ទើរតែមិនគួរឲ្យជឿ ហើយខ្ញុំសង្ឃឹមថាគេនឹងអាចបន្តរកគ្រាប់បាល់បាន និងអាចជួយឲ្យក្រុមលើកពាន។ គេនៅក្មេង មានសមត្ថភាពល្អ ហើយខ្ញុំចង់បន្តជម្រុញគេឲ្យកាន់តែល្អទៅៗ៕
— សម្ដី Pogba

ប្រភព៖ metro

អានបន្ថែម