ចប់បាត់! Man City ចង់ប្ដូរ Sterling ជាមួយតារាឆ្នើមរូបនេះ តែត្រូវ Barca បដិសេធ

អឺរ៉ុប៖ សារព័ត៌មាន Sport បានរាយការណ៍ថា ក្រុមមេឃខៀវ ManchesterCity បានព្យាយាមធ្វើគ្រប់យ៉ាង ដើម្បីនាំយកខ្សែប្រយុទ្ធវ័យក្មេង ​​AnsuFati មកកាន់ទឹកដី Etihad នៅរដូវក្ដៅនេះ ដោយថែមទាំងផ្ដល់ជូនខ្សែប្រយុទ្ធRaheem Sterling ជាថ្នូរទៀតផង ប៉ុន្ដែត្រូវបានក្រុម Barcelona បដិសេធ។

ប្រភពខាងលើបញ្ជាក់ថា ​Barca ក៏ចាប់អារម្មណ៍នឹង Sterling រួមទាំង Bernardo Silva របស់ ManCity ផងដែរ។

ប៉ុន្ដែបញ្ហានៅត្រង់ថា ក្លិបយក្សអេស្ប៉ាញមួយនេះ មិនចង់បាត់បង់ Fati ឡើយហើយផ្ទុយទៅវិញ ពួកគេចង់បាន Sterling ឬ Silva ដោយប្ដូរជាមួយ Dembele ឬ Braithwaite ប៉ុន្ដែត្រូវបានក្រុមរបស់លោក Pep Guardiola បដិសេធវិញ៕

ប្រភព៖​ besoccer