មិនមែនអាល្លឺម៉ង់ទេ! លោក Tuchel ចង់មកដឹកនាំក្រុមជម្រើសជាតិមួយនេះ បើសិនគ្រូបង្វឹកបច្ចុប្បន្នលាលែងពីតំណែង

អង់គ្លេស៖ លោក Thomas Tuchel ជាអតីតគ្រូបង្វឹករបស់ Chelsea មានបំណងចង់មកដឹកនាំក្រុមជម្រើសជាតិ អង់គ្លេស ក្នុងករណីលោក Gareth Southgate លាលែងពីតំណែង។​

អង់គ្លេស បានហាលអាវពីការប្រកួតបាល់ទាត់ពិភពលោក ជាផ្លូវការហើយ បន្ទាប់ពីចាញ់បារាំង នៅវគ្គ៨ក្រុម ដែលធ្វើឲ្យមានការចោទសួររឿងអនាគតរបស់ Southgate ថាលោកនឹងលាលែងពីតំណែងឬយ៉ាងណា។​

ដោយឡែក លោក Tuchel ឯណេះវិញបានត្រឡប់មករស់នៅឯប្រទេស អាល្លឺម៉ង់ វិញហើយបន្ទាប់ពីត្រូវ Chelsea បញ្ចប់តំណែងកាលពីខែកញ្ញា។​

យ៉ាងណាមិញ លោក Tuchel ប៉ងចង់ដឹកនាំ អង់គ្លេស ណាស់ ដោយលោកធ្លាប់ធ្វើការជាមួយកីឡាករដូចជា Mason Mount, Reece James, Conor Gallagher​, Raheem Sterling និង Ben Chilwell ជាដើម៕

ប្រភព៖​ thesun