ថ្នាក់ដឹកនាំក្លិប West Ham រិះ»_គន់ ខ្សែប្រយុទ្ធរូបនេះថាចូលចិត្តនិយាយអួ»_តពីខ្លួនឯងជ្រុលហួសហេតុ

January 30, 2023

អង់គ្លេស៖ អ្នកនាង Karren Brady ដែលជានាយករងរបស់ក្លិប West Ham បានរិះគន់ថាខ្សែប្រយុទ្ធ Cristiano Ronaldo ចូលចិត្តនិយាយអួតអាងសរសើរខ្លួនឯងជ្រុលពេកហើយ ខណៈដែលកីឡាករឆ្នើមដូចជាលោក Pele និង Lionel Messi ពុំធ្លាប់សរសើរខ្លួនឯងនោះទេ។

Ronaldo បានចាកចេញពីលីគកំពូលអឺរ៉ុប ដើម្បីទៅចូលរួមជាមួយក្លិប Al-Nassr នៅក្របខណ្ឌ Saudi Pro League នៅប្រទេសអារ៉ាប់ ជាមួយកុងត្រារយៈពេល២ឆ្នាំកន្លះ ដោយគេនឹងទទួលបានប្រាក់ជាង២០០លានដុល្លារ ក្នុងមួយរដូវកាលផងដែរ។

ក្នុងកម្មវិធីសន្និសីទកាសែត បង្ហាញខ្លួនក្នុងនាមជាកីឡាករ Al-Nassr គឺ Ronaldo បាននិយាយថារូបគេគឺជាកីឡាករដ៏ខុសប្លែកគ្មានអ្នកណាដូច។

ដូច្នេះហើយទើប Karren Brady បានរិះគន់ Ronaldo ថា៖

ប្រហែលយើងមានអ្វីត្រូវនិយាយពី Ronaldo ច្រើន។ គេជាអត្តពលិក និងជាអ្នកស៊ុតបញ្ចូលទីដែលគ្មាននរណាអាចបញ្ឈប់បាន ប៉ុន្តែការបញ្ចេញមតិនាពេលថ្មីៗនេះរបស់គេថា គេសប្បាយចិត្តដែលបានចូលរួមជាមួយ Al-Nassr និងទទួលបានកុងត្រាដ៏ខុសប្លែកពីគេ គឺមកពីគេជាកីឡាករដ៏ខុសប្លែកពីអ្នកដទៃ។ ដំបូងគឺគេមិនមែនជាកីឡាករដែលមានភាពខុសប្លែកពីអ្នកដទៃទេ។ គេបានធ្វើរឿងជាច្រើន ហើយរឿងខ្លះគឺអស្ចារ្យមែន ប៉ុន្តែគ្មានត្រង់ណាដែលកីឡាករផ្សេងធ្វើមិនបានទេ។ ទាំង Messi ឬ Pele មិនដែលនិយាយអ្វីបែបនេះឡើយ។ Ronaldo ពិតជាងប់ងល់នឹង Messi ខ្លាំងណាស់។
— អ្នកនាង Karren Brady

អ្នកនាង Karren Brady — អ្នកនាង Karren Brady

ប្រភព៖ sportskeeda

ដៃគូរសហការ One Football

អានបន្ថែម