ភ្ញាក់ផ្អើលណាស់! តារាឆ្នើម Man City រូបនេះបានសម្រេចចិត្តផ្លាស់ទៅ Bayern ហើយក្នុងលក្ខខណ្ឌខ្ចីជើង

អឺរ៉ុប៖ ខ្សែការពារស្លាបក្លិប Manchester City កីឡាករ Joao Cancelo បានសម្រេចចិត្តផ្លាស់មកកាន់ Bayern Munich ហើយក្នុងលក្ខខណ្ឌខ្ចីជើង រង់ចាំតែការប្រកាសផ្លូវការប៉ុណ្ណោះ។

ជាការពិតណាស់ វាពិតជាគួរឲ្យភ្ញាក់ផ្អើលមែនទែន បន្ទាប់ពីសុខៗទទួលបានដំណឹងថា Cancelo នឹងចាកចេញពី Man City ក៏ព្រោះតែរូបគេតែងតែលេងជាជម្រើសដំបូង និង លេងបានល្អទៀតផង ខណៈ លេចលឺពាក្យចចាមអារ៉ាមមួយបានចុះផ្សាយថារូបគេមានទំនាស់ជាមួយនឹងលោក Pep Guardiola។

យ៉ាងណាមិញ ទាក់ទងនឹងរឿង Cancelo ផ្លាស់មក Bayern Munich គឺ ក្នុងលក្ខខណ្ឌខ្ចីជើងរហូតដល់បញ្ចប់រដូវកាល ភ្ជាប់ជាមួយនឹងលក្ខខណ្ឌទិញផ្តាច់ចំនួន ៧០លានដុល្លារ៕

ប្រភព៖​ Fabrizio Romano