Newcastle ចូលខ្លួនចែចូវយកកីឡាករ Man UTD រូបនេះព្រោះលោក Howe ពេញចិត្តសមត្ថភាពស្ដូកហ្មង

អង់គ្លេស៖ ក្លិប Newcastle ត្រូវបានគេរាយការណ៍ថាបានចរចាជាមួយ Manchester United ក្នុងការសុំទិញយកខ្សែបម្រើ Scott McTominay នៅខែមករានេះ។​

ភាគីលោក Eddie Howe ចង់បាន McTominay ទៅរួមក្រុមតាំងពីរដូវក្ដៅឆ្នាំមុនមកម៉្លេះតែមិនបានសម្រេចក៏បន្តតាមយកនៅខែមករានេះទៀត ខណៈដែលកីឡាករសញ្ជាតិស្កុតឡែនរូបនេះ ពុំសូវមាននាទីចូលលេងច្រើនដូចមុន ក្រោយការមកដល់របស់ Casemiro ។​

សារព័ត៌មាន The Athletic បានផ្សាយថា Newcastle បានចរចាជាមួយបិសាចក្រហមរួចមកហើយ ប៉ុន្តែភាគីលោក Erik Ten Hag ទំនងជាបដិសេធមិនលក់ McTominay នោះទេ។​

លោក  Ten Hag ចង់រក្សា Scott McTominay ទុកនៅក្នុងក្រុមបើទោះបីជាគេមិនសូវបានចូលលេងទៀងទាត់ក៏ដោយ៕

ប្រភព៖​ thesun