PSG អស់ការអត់ធ្មត់នឹង Mbappe ដោយសារការចរចាកិច្ចសន្យាថ្មីមិនទទួលបានលទ្ធផល
បារាំង៖ យោងតាមរបាយការណ៍នៅប្រទេសបារាំងបានអោយដឹងថា ParisSaint-Germain បានអស់ការអត់ធ្មត់យ៉ាងឆាប់រហ័សជាមួយនឹងការបដិសេធរបស់Kylian Mbappe ក្នុងការធ្វើកិច្ចសន្យាថ្មី ហើយបានបញ្ឈប់ការស្នើតម្លៃខ្លួនរបស់គាត់។
Mbappe បានរកគ្រាប់បាល់បាន ១២០គ្រាប់ក្នុងការបង្ហាញខ្លួនចំនួន ១៦០ លើកសម្រាប់ក្រុម PSG ចាប់តាំងពីបានវិលត្រឡប់មកពីប្រទេសម៉ូណាកូវិញនៅឆ្នាំ២០១៧ហើយត្រូវបានគេចាត់ទុកជាកីឡាករឆ្នើមម្នាក់ក្នុងចំណោមកីឡាករប្រយុទ្ធឆ្នើមបំផុតក្នុងពិភពបាល់ទាត់នៅអាយុ២២ ឆ្នាំ។
កិច្ចព្រមព្រៀងនាពេលបច្ចុប្បន្នរបស់បារាំងនឹងផុតកំណត់នៅខែមិថុនាឆ្នាំ២០២២ ហើយក្លិបយក្សលំដាប់ទី១នេះបានអស់សង្ឃឹមសម្រាប់គាត់ក្នុងការបង្ហាញអនាគតដ៏វែងឆ្ងាយរបស់គាត់ទៅកាន់ក្លឹបចំពេលមានការចាប់អារម្មណ៍យ៉ាងខ្លាំងពីសំណាក់Liverpool,Real Madrid និង Juventus ។
សង្គ្រាមដេញថ្លៃកម្រិតធ្ងន់ទំនងជានឹងកើតឡើងប្រសិនបើកិច្ចចរចាកិច្ចសន្យារបស់Mbappeនៅតែបន្តជាប់គាំងហើយ PSG អាចនឹងត្រូវបង្ខំចិត្តលក់គាត់ចេញដើម្បីបានប្រាក់ខ្លះចៀសវាងការបាត់បង់គាត់ក្នុងការផ្ទេរដោយគ្មានតម្លៃខ្លួន ខណៈកិច្ចសន្យានៅសល់រយៈពេលតែមួយឆ្នាំប៉ុណ្ណោះ។
យោងតាមសារព័ត៌មាន LeParisien បានអោយដឹងថានាយកកីឡា PSG លោក Leonardoនិងម្ចាស់ឈ្មោះ Nasser Al-Khelaifi មានការអាក់អន់ស្រពន់ចិត្តដោយការចរចារជាមួយMbappe មិនបានលទ្ធផល៕