ដាក់ចំៗណាស់! Carragher ថាគ្រូបង្វឹកក្លិបគីឡូធ្ងន់នៅ PL មួយនេះល្មមឈប់រកលេសហើយ

October 14, 2021

អង់គ្លេស៖ លោក Jamie Carragher ដែលជាអតីតកីឡាកររបស់ Liverpool បានរិះគន់ទៅលោកគ្រូ Ole Gunnar Solskjaer នៃក្រុមបិសាចក្រហម Manchester United គួរតែឈប់រកលេសនេះនោះទៀតទៅ បន្ទាប់ពីបរាជ័យក្នុងការលើកពាន Premier League និង Europa League កាលពីរដូវកាលមុន។

លោក Carragher ក៏បានដៀមដាមទៅលោក Gary Neville និង Roy Keane ផងដែរថាអ្នកទាំងពីរចូលចិត្តកាន់ជើង Solskjaer និងរកលេសការពារក្លិបមួយនេះដោយសារតែពួកគេធ្លាប់ជាមិត្តរួមក្រុមនៅបិសាចក្រហម។

លោក Carragher បាននិយាយថា៖

ខ្ញុំបានចូលរួមសរសេរកាសែត ដោយមាន Gary Neville ចូលរួមផងដែរហើយមុនចាប់ផ្ដើមសរសេរ ពួកយើងក៏បាន សន្ទនាតាម Youtube ជាមួយ Roy Keane ។ ពួកគេទាំងពីរនាក់តែងតែការពារ Ole ព្រោះពួកគេធ្លាប់ជាមិត្តរួមក្រុមនឹងគ្នា។ ពួកគេបាននិយាយថា Man UTD មិនអាចឈ្នះពានក្នុងលីគ ដោយសារពួកគេនៅខ្វះនេះខ្វះនោះ ដោយត្រកូល Glazers មិនបានចាយលុយគ្រប់គ្រាន់ ពួកគេគួរតែទិញ Harry Kane អ៊ីចេះអ៊ីចុះ។ ខ្ញុំនៅអង្គុយគិតថា ក្រុមអ្នកទើបនឹងទិញកីឡាករដែលធ្លាប់ឈ្នះពាន Champions League ៤ដង និងចាយលុយជាង៧៥លានលើខ្សែបម្រើ។ កាលពីរដូវកាលមុនអ្នកដណ្ដើមបានលេខ២ក្នុងលីគ និងមិនចាញ់ការប្រកួតនៅទឹកដីគេទៀតផង។ ខ្ញុំគិតថា នេះវាកៀកណាស់ហើយ។ បើនិយាយឲ្យស្មោះត្រង់ទៅ វាធ្វើឲ្យខ្ញុំឈឺណាស់ Manchester United គួរតែបញ្ឈប់ការរកលេសនេះនោះទៀតទៅ ខ្ញុំហត់នឹងមើលហើយ។ កីឡាករទាំងអស់ដែលទិញវាលើសពី៥០លានហើយវាពិតជាមិនគួរឲ្យជឿមែន។
— លោក Jamie Carragher

ប្រភព៖ sportskeeda

ដៃគូរសហការ One Football

អានបន្ថែម