អតីតប្រធានក្លិប Inter លើកទឹកចិត្តក្លិបឲ្យនាំយកកូនក្រុមតោខៀវមួយរូប ដើម្បីសម្រេចរឿងមួយ

បរទេស៖ បន្ទាប់ពី Inter Milan បានឈ្នះពានរង្វាន់ Serie A ក្រោយខកខានអស់ជាច្រើនឆ្នាំ លោក Massimo Moratti ដែលជាអតីតប្រធានក្លឹប Inter ក៏បានចេញមុខមកនិយាយដើម្បីអបអរសាទរពីភាពជោគជ័យមួយនេះផងដែរ ។ ទទ្ទឹមនឹងនេះ លោកក៏បាននិយាយពីការប្រកួតប្រជែងរបស់ Inter នៅក្នុងទ្វីបអឺរ៉ុបផងដែរ។ លោកបាននិយាយថា នៅពេលនេះ Inter Milan អាចទទួលបានជោគជ័យនៅក្នុងស្រុកហើយ ក៏ប៉ុន្តែដើម្បីជោគជ័យនៅក្នុងការប្រកួតប្រជែងពានរង្វាន់ទ្វីបអឺរ៉ុបដូចជា UEFA Champion League ពួកគេនៅត្រូវធ្វើការជាច្រើនទៀត ។ លោកបានបន្តដែរថា ជាដំបូងពួកគេត្រូវនាំយកកីឡាករ N'Golo Kante មកចូលរួមព្រោះរូបគេជាកីឡាករដែលមានអ្វីៗគ្រប់យ៉ាងសម្រាប់នាំផ្លូវ Inter រកភាពជោគជ័យ។

លើសពីនេះទៅទៀត គាត់ក៏បានបញ្ជាក់ដែរថា លោកជាអ្នកគាំទ្ររបស់ Kante ម្នាក់ហើយលោកនឹងរីករាយប្រសិនបើរូបគេពិតជាចូលរួមជាមួយ Inter មែន៕