បរទេស៖ ខ្សែប្រយុទ្ធឆ្នើមរបស់ក្រុម Paris Saint-Germain ទាំង Lionel Messi និង Kylian Mbappe កំពុងទន្ទឹងរង់ចាំចង់ឱ្យ Frenkie de Jong ខ្សែបម្រើឆ្នើមរបស់ Barcelona ផ្លាស់មកលេងនៅទឹកដី Parc des Prince ជាមួយខ្លួន។
De Jong កំពុងត្រូវបានក្លិបធំៗនៅ អឺរ៉ុប ចាប់អារម្មណ៍ខ្លាំងមែនទែន បន្ទាប់ពីរូបគេបង្ហាញទម្រង់លេងល្អគួរឱ្យកត់សម្គាល់ជាមួយក្លិបអ្នកមានបុណ្យ FC Barcelona, ខណៈកាលពីដើមរដូវកាលកន្លងទៅ Manchester United គឺជាក្លិបមួយ ដែលបង្ហាញចំណាប់អារម្មណ៍ចង់បានកីឡាករសញ្ជាតិ ហូឡង់ រូបនេះមែនទែន។
ទោះបីជាយ៉ាងណាក៏ដោយ ថ្មីៗនេះ PSG ក៏លេចឮថាចង់បានកីឡាកររូបនេះផងដែរ ហើយបន្ថែមពីនេះទៀតកាសែត បារាំង Le Parisien បានឱ្យដឹងថា Messi និង Mbappe ពិតជាចង់ឃើញ De Jong មកលេងជាមួយខ្លួនមែនទែន ហើយពួកគេក៏កំពុងរំអុកក្លិបឱ្យទិញយកខ្សែបម្រើវ័យ ២៥ ឆ្នាំរូបនេះផងដែរ៕
ប្រភព៖ Sportskeeda