ដាក់ចុកៗណាស់! លោក Ole បានបោះសម្តីទៅអ្នករិះគន់បែបនេះវិញ ក្រោយដឹកនាំ Man UTD ឈ្នះ Spurs ថ្ងៃមុន

November 2, 2021

បរទេស៖អ្នកចាត់ការលោក OleGunnar Solskjaer បានថ្លែងអណរគុណទៅកាន់អ្នករិះគន់ទាំងឡាយ, ហើយលោកបានទទូចថា ដោយសារតែការដាក់បន្ទុកមកឱ្យលោកនៅManchester United បែបនេះហើយ ទើបធ្វើឱ្យលោករឹងមាំ។

ជាការពិតណាស់ អ្នកចាត់ការសញ្ជាតិន័រវេស ស្ទើរតែបាត់បង់តំណែងក្នុងនាមជាគ្រូបង្វឹករបស់ Man UTD ទៅហើយ បន្ទាប់ពីក្រុម បិសាចក្រហមបានបរាជ័យក្រោមថ្វីជើងក្រុម Liverpool ក្នុងលទ្ធផល ៥ ទល់នឹង ០ កាលពីសប្តាហ៍ទី០៩, ប៉ុន្តែស្ថានភាពរបស់លោកហាក់ធូរស្រាលមកវិញក្រោយMan UTD បានទទួលជ័យជម្នះទៅលើTottenham Hotspur ក្នុងលទ្ធផល ៣ ទល់នឹង ០ នៅសប្តាហ៍នេះ។

ថ្លែងនៅក្នុងសន្និសិទកាសែតមុនMan UTD ត្រូវជួបជាមួយAtalanta នៃពានChampions League លោក Solskjaer បានមានប្រសាសន៍យ៉ាងដូច្នេះថា៖

ការរិះគន់អាចធ្វើឱ្យអ្នកសង្ស័យខ្លួនឯងឬមួយក៏អាចធ្វើឱ្យអ្នកចេះក្រោកឈរដោយខ្លួនឯងបានដែរ។ ខ្ញុំតែងតែរីករាយជាមួយការរិះគន់, សូមបន្តធ្វើវាបែបនេះទៀតចុះ! អ្នកកាសែត, អ្នកស្រាវជ្រាវ និងអ្នកជំនាញពួកយើងមានការងារផ្សេងៗពីគ្នា។ ខ្ញុំមិននៅទីនេះដើម្បីតបតជាមួយពួកគេទេ។ខ្ញុំមិនត្រូវការជ្រលក់មាត់ទៅរកនរណាឡើយ៕
— លោក Ole Gunnar Solskjaer

ប្រភព៖ Marca

ដៃគូរសហការ One Football

អានបន្ថែម