Pogba ថាជម្រើសជាតិអាល្លឺម៉ង់រូបនេះពិតជាបានខាំគេមែន(មានវីដេអូ)

June 16, 2021

បារាំង៖ កាលពីយប់ថ្ងៃពុធកន្លងទៅនេះ ក្រុមជម្រើសជាតិបារាំងបានយកឈ្នះ ឥន្ទ្រីដែកអាល្លឺម៉ង់ ១ ទល់នឹង ០ ក្នុងការប្រកួតពាន Euro 2020 ដែលក្នុងនោះគឺ ខ្សែការពារ Mat Hummels តែតចូលទីខ្លួនឯងនៅនាទីទី២០។

ខ្សែការពារ Mat Hummels — ខ្សែការពារ Mat Hummels

យ៉ាងណាមិញហេតុការណ៍ចម្លែកមួយបានកើតឡើងគឺគេឃើញ ខ្សែការពារ Antonio Rudiger របស់ក្រុមជម្រើសជាតិអាល្លឺម៉ង់ បានខាំផ្នែកខាងក្រោយស្មារបស់ ខ្សែបម្រើ Paul Pogba ក្នុងការប្រកួតនេះដោយ Pogba បានត្អូញត្អែទៅអាជ្ញាកណ្ដាលលោក Carlos Del Cerro Grande ដែលមិនបានដាក់ពិន័យ Rudiger ខណៈដែល VAR ក៏មិនបានចាប់រូបភាពហេតុការណ៍នោះដែរ។

ប៉ុន្តែក្រោយចប់ការប្រកួត Pogba បានចេញមុខបកស្រាយថា Rudiger ពិតជាបានខាំគេពិតមែនប៉ុន្តែគេមិនចង់ឲ្យមានរឿងធំដុំកើតឡើងឡើយ និងសុំឲ្យ ខាង UEFA កុំដាក់ពិន័យលើកីឡាករសញ្ជាតិអាល្លឺម៉ង់នោះអី។

ខ្សែការពារ Antonio Rudiger និងខ្សែបម្រើ Paul Pogba

Paul Pogba បានថ្លែងថា៖

បើនិយាយទៅ ពួកយើងក៏ជាមិត្តភក្តិនឹងគ្នា វាគ្មានរឿងអីធំដុំទេ។ ខ្ញុំគិតថាអ្នកប្រហែលឃើញហេតុការណ៍នោះតាមកញ្ចកលទូរទស្សន៍ វាបានកើតឡើងរួចហើយ គឺជារឿងអតីតកាល ខ្ញុំនឹងមិនយំសុំឲ្យគេបានកាតលឿង ឬកាតក្រហមដោយសារតែរឿងនេះទេ។គេបានខាំខ្ញុំតែវាបន្តិចបន្តួចទេ ព្រោះពួកយើងស្គាល់គ្នាយូរហើយ។ ខ្ញុំពិតជាមានអារម្មណ៍ថាគេខាំពិតមែន ខ្ញុំបានប្រាប់ទៅអាជ្ញាកណ្ដាល គាត់ក៏សម្រេចមិនធ្វើអ្វីទាំងអស់ វាចប់អស់ហើយ ខ្ញុំគ្រាន់តែចង់លេងបាល់។
គេមិនបានទទួលកាតពិន័យទេ ប៉ុន្តែខ្ញុំគិតថាវាល្អហើយ វាជាការប្រកួតមួយដ៏ល្អសម្រាប់ពួកយើង សម្រាប់អ្នកគាំទ្រ ខ្ញុំមិនចង់ឲ្យគេត្រូវផាកពិន័យដោយសារហេតុការណ៍នេះទេ។ ពួកយើងបានឱបគ្នានិងសម្រួលគ្នាហើយ៕
— ខ្សែបម្រើ Paul Pogba

សូមទស្សនាវីដេអូខាងក្រោម៖

Rudiger ខាំ Pogba

ការប្រកួតរវាង បារាំង និង អាល្លឺម៉ង់

ប្រភព៖ metro

អានបន្ថែម