អង់គ្លេស៖ លោកគ្រូបង្វឹក Jurgen Klopp នៃក្លិបហង្សក្រហម Liverpool បានដាស់តឿនកូនក្រុមគ្រប់រូបថារដូវកាលក្រោយ ពួកគេនឹងកាន់តែពិបាកក្នុងការប្រជែងយកពាន Premier League ដោយសារតែក្រុមខ្លាំងដូចជា Manchester City, Manchester United និង Chelsea បានវិវត្តន៍ខ្លួនរីកចម្រើនទៅមុខជារឿយៗ។ <figure style="text-align:center"><img src="https://cms.dmpcdn.com/article/2021/05/01/f8147de0-aa20-11eb-aea9-d55736cf826c_original.jpg" alt="លោកគ្រូបង្វឹក&amp;nbsp;Jurgen Klopp" style="width:100%"/><figcaption>លោកគ្រូបង្វឹក&nbsp;Jurgen Klopp</figcaption></figure>Manchester City ជិតនឹងបានលើកពាន Premier League ហើយ ដោយឈ្នះដាច់ Man UTD ចំនួន១០ពិន្ទុ ខណៈ Liverpool សឹងតែគ្មានសង្ឃឹមអាចដណ្ដើមយកចំណាត់ថ្នាក់លេខ៤ដែលកាន់កាប់ដោយ Chelsea ព្រោះក្រុមជើងឯក Premier League រដូវកាលមុននេះកំពុងស្ថិតនៅលេខរៀងទី៦ឯណោះ។ <figure style="text-align:center"><img src="https://cms.dmpcdn.com/article/2021/05/01/f85de2f0-aa20-11eb-ae11-cf473c2984b4_original.jpg" alt="កីឡាករ Manchester City&amp;nbsp;" style="width:100%"/><figcaption>កីឡាករ Manchester City&nbsp;</figcaption></figure><figure style="text-align:center"><img src="https://cms.dmpcdn.com/article/2021/05/01/f8971b60-aa20-11eb-aea9-d55736cf826c_original.jpeg" alt="កីឡាករ Manchester United" style="width:100%"/><figcaption>កីឡាករ Manchester United</figcaption></figure><figure style="text-align:center"><img src="https://cms.dmpcdn.com/article/2021/05/01/f90bfd40-aa20-11eb-ae11-cf473c2984b4_original.jpg" alt="កីឡាករ Chelsea" style="width:100%"/><figcaption>កីឡាករ Chelsea</figcaption></figure>ដូច្នេះហើយទើប Klopp គិតថា Liverpool ពិបាកនឹងឈ្នះពាន Premier League រដូវកាលក្រោយណាស់ ដោយលោកគ្រូបាននិយាយថា៖<blockquote><aside>ពួកយើងត្រូវទទួលខុសត្រូវលើរឿងដែលកើតឡើងចំពោះពួកយើង ពួកយើងបានចូលរួមក្នុងការដណ្ដើមពាន Premier League ។ ខ្ញុំមិនដឹងថាក្រុមផ្សេងទៀតគេមានអារម្មណ៍មិនល្អ ដោយសារពួកយើងឬអត់ ប៉ុន្តែខ្ញុំសង្ឃឹមថាពួកគេនឹងគ្មានអារម្មណ៍បែបនោះ ខ្ញុំមិនមែនជាមនុស្សបែបនោះឡើយ។ Man City ពិតជាស័ក្តិសមនឹងឈរត្រង់ចំណុចនោះ នេះគឺបាល់ទាត់ គ្រប់យ៉ាងគឺយុត្តិធម៌ណាស់ ពួកគេបានឈ្នះការប្រកួតពិបាកៗជាច្រើន ហើយ Man UTD ក៏បានឈ្នះ Roma ដាច់ផឹងដែរ ដូចដែលពួកគេធ្លាប់ឈ្នះ២០ដងមកហើយនៅរដូវកាលនេះ។ City និង United ពិតជាវិលត្រឡប់មកសភាពខ្លាំងក្លារបស់ពួកគេដូចកាលពីមុនហើយ។ ប៉ុន្តែពួកយើងនឹងព្យាយាមប្រកួតប្រជែងជាមួយពួកគេនៅរដូវកាលក្រោយ ប៉ុន្តែនៅរដូវកាលនេះពួកយើងមានតែខំប្រឹងធ្វើឲ្យបានល្អសម្រាប់ប្រកួតដែលនៅសល់ដោយមិនពាក់ព័ន្ធនឹងការចូលលេងវគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រ។ វានឹងកាន់តែពិបាកសម្រាប់ពួកយើងព្រោះ Man City មិនធ្លាប់ឈប់ទេ ហើយពួកគេក៏គ្មានផ្លូវបញ្ឈប់ដែរ។ Man UTD កាន់តែឡើងជើងខ្លាំងហើយ គ្រប់គ្នាមើលវាឃើញ ចំណែក Chelsea វិញ គឺកំពុងស្ថិតក្នុងតំណែងមួយដ៏អស្ចារ្យគឺនៅក្រុមកំពូលទាំង៤ ព្រោះ Thomas Tuchel ធ្វើបានល្អណាស់ ដូច្នេះវាមិនងាយស្រួលទេ។ Leicester ក៏មានគ្រូបង្វឹកជំនាញម្នាក់ដែរ ហើយ Tottenham និង Arsenal ក៏ល្អ ហើយ West Ham ក៏កំពុងឡើងជើងខ្លាំងដែរ គឺមិនមែនត្រឹមតែ Man City នោះទេដែលក្លាយជាក្រុមខ្លាំង។</aside><label>— លោកគ្រូបង្វឹក Jurgen Klopp&nbsp;</label></blockquote><figure style="text-align:center"><img src="https://cms.dmpcdn.com/article/2021/05/01/f96e4180-aa20-11eb-ae11-cf473c2984b4_original.jpg" alt="លោកគ្រូបង្វឹក Jurgen Klopp" style="width:100%"/><figcaption>លោកគ្រូបង្វឹក Jurgen Klopp</figcaption></figure>គួរបញ្ជាក់ផងដែរថា កាលពីរដូវកាលមុន Liverpool ជាម្ចាស់ជើងឯក Premier League ប៉ុន្តែនៅរដូវកាលនេះ ក្រុមប្រឈមមុខនឹងបញ្ហាមួយចំនួនដែលធ្វើឲ្យធ្លាក់ជើងគឺមួយក្នុងនោះដោយសារ ខ្សែការពារឆ្នើម Virgil van Dijk និង Joe Gomez សុទ្ធតែរងរបួសរយៈពេលវែង៕<figure style="text-align:center"><img src="https://cms.dmpcdn.com/article/2021/05/01/f9a7a100-aa20-11eb-aea9-d55736cf826c_original.jpg" alt="Liverpool លើកពាន Premier League&amp;nbsp;" style="width:100%"/><figcaption>Liverpool លើកពាន Premier League&nbsp;</figcaption></figure>ប្រភព៖​ <a href="https://metro.co.uk/2021/05/01/jurgen-klopp-warns-liverpool-players-over-chelsea-and-man-utd-progress-14503832/">metro</a>ដើម្បីទទួលបានព័ត៌មានឆាប់រហ័ស សូមចូលទៅកាន់ Group Telegram របស់ Khmerload តាមរយៈតំណភ្ជាប់ខាងក្រោម ៖ https://t.me/khmerload

គ្រូបង្វឹកនៅ PL រូបនេះថារដូវកាលក្រោយ ក្រុមខ្លួននឹងកាន់តែពិបាកស្រវាពានដោយសារ...