អេស្ប៉ាញ៖ ក្លិប Real Madrid មានទំនុកចិត្តថាពួកគេអាចទិញយកខ្សែបម្រើ Jude Bellingham នៃក្លិប Borussia Dortmund ។
Bellingham ជាតារាឆ្នើមរបស់ Dortmund និងក្រុមជម្រើសជាតិអង់គ្លេស ដោយរូបគេរកបាន ១ គ្រាប់នៅព្រឹត្តិការណ៍បាល់ទាត់ពិភពលោកឆ្នាំ២០២២។
ការលេងដ៏ពូកែរបស់ Bellingham បានទាក់ភ្នែកក្លិបជាច្រើនដូចជា Real Madrid, Manchester City , Liverpool និង Paris Saint-Germain ជាដើមប៉ុន្តែតម្លៃខ្លួនរបស់គេគឺខ្ទង់ ១០០លានផោន(ស្មើនឹងប្រមាណ ១២០.៩ លានដុល្លារ)ឯណោះ។
ភាគីលោក Carlo Ancelotti ឯណេះវិញត្រៀមយករូបគេមករួមក្រុមនៅរដូវក្ដៅឆ្នាំ២០២៣ខាងមុខ នេះបើយោងតាមការចុះផ្សាយរបស់ Sportmail ។
គួរបញ្ជាក់ផងដែរថា Jude Bellingham រកបាន២១គ្រាប់និងបញ្ជូនបាល់១៩គ្រាប់ ក្នុងការបង្ហាញខ្លួន១១២ប្រកួតឲ្យ Borussia Dortmund ៕
ប្រភព៖ dailymail