គ្រូអស់ជំនឿចិត្តហើយ! Koeman ចង់ឲ្យ Barca វ៉ៃចេញកីឡាករពីររូបនេះ

អេស្ប៉ាញ៖ យោងតាមសេចក្ដីរាយការណ៍ លោកគ្រូបង្វឹក Ronald Koeman នៃក្លិប Barcelona ចង់ឲ្យក្លិបលក់ ខ្សែការពារ Samuel Umtiti និង Martin Braithwaite ចេញ ។

កីឡាករពីររូបនេះពុំបានចូលលេងសូម្បីមួយនាទីក្នុងការប្រកួតមិត្តភាពមុនបើករដូវកាលជាមួយ Stuttgart នៅឯប្រទេស អាល្លឺម៉ង់ ដូច្នេះវាជាសញ្ញាមួយបញ្ជូនទៅពួកគេថាលោកគ្រួលែងត្រូវការពួកគេហើយ។

ខ្សែការពារ Samuel Umtiti បានរងរបួសធ្ងន់ជាច្រើនដងចាប់តាំងពីព្រឹត្តិការណ៍បាល់ទាត់ពិភពលោកឆ្នាំ២០១៨ ដែលធ្វើឲ្យគេពុំសូវបានចូលលេងលើទីលានហើយបើទោះជានៅរដូវកាលថ្មីនេះ Umtiti ខំប្រឹងហ្វឹកហាត់ដើម្បីបង្ហាញលោកគ្រូថាគេអាចស្តារទម្រង់លេងឡើងវិញបានក៏លោកគ្រូនៅតែមិនជឿជាក់។ 

ខណៈនោះដែរ ខ្សែប្រយុទ្ធ Martin Braithwaite ក៏នឹងត្រូវក្លិបដោះលែងឲ្យចាកចេញដែរព្រោះគេអាចនឹងពុំសូវមាននាទីលេងដោយសារ Barcelona បាននាំយកខ្សែប្រយុទ្ធ Sergio Aguero និង Memphis Depay មកបានហើយ៕

ប្រភព៖​ marca