អេស្ប៉ាញ៖ យោងតាមសេចក្ដីរាយការណ៍ពី El Partidazo de COPE ក្លិបអធិរាជស Real Madrid នឹងលក់ ខ្សែការពារ Raphael Varane ក្នុងតម្លៃខ្ទង់ ៥២លានផោន (ស្មើនឹងប្រមាណ៧៣.៦លានដុល្លារ) នៅរដូវក្ដៅខាងមុខនេះខណៈកីឡាករសញ្ជាតិបារាំងរូបនេះកំពុងស្ថិតក្នុងរ៉ាដារបស់បិសាចក្រហម Manchester United ។<figure style="text-align:center"><img src="https://cms.dmpcdn.com/article/2021/05/15/b02196d0-b529-11eb-bdb4-5dd69eff079b_original.jpg" alt="ខ្សែការពារ&amp;nbsp;Raphael Varane" style="width:100%"/><figcaption>ខ្សែការពារ&nbsp;Raphael Varane</figcaption></figure>កីឡាករវ័យ២៨ឆ្នាំរូបនេះនៅសល់កុងត្រាតែ១ឆ្នាំទៀតប៉ុណ្ណោះ ប៉ុន្តែមើលទៅ Varane ហាក់បីដូចជាមិនចង់បន្តកុងត្រាថ្មីឡើយ ទើបក្លិប Real Madrid នឹងបើកភ្លើងខៀវព្រមស្តាប់សំណើក្លិបនានាដែលចង់បានខ្សែការពារឆ្នើមរូបនេះ។<figure style="text-align:center"><img src="https://cms.dmpcdn.com/article/2021/04/18/caf014a0-9fe9-11eb-b363-d1b4bb674788_original.jpg" alt="ខ្សែការពារ&amp;nbsp;Raphael Varane" style="width:100%"/><figcaption>ខ្សែការពារ&nbsp;Raphael Varane</figcaption></figure>ខណៈនោះដែរ លោកគ្រូបង្វឹក Ole Gunnar Solskjaer ចង់បានខ្សែការពារឆ្នើមមួយរូបមកចាប់ដៃគូជាមួយប្រធានក្រុម Harry Maguire ដែល Raphael Varane ជាជម្រើសដ៏ស័ក្តិសមបំផុតដោយកន្លងមកក៏ធ្លាប់លេចឮព័ត៌មានចចាមអារ៉ាមថា Man UTD ចង់បាន Varane តាំងពីរដូវកាលមុនម៉្លេះ។<figure style="text-align:center"><img src="https://cms.dmpcdn.com/article/2021/05/25/645acad0-bd05-11eb-8220-9f8ed436e416_original.jpg" alt="ខ្សែការពារ&amp;nbsp;Raphael Varane" style="width:100%"/><figcaption>ខ្សែការពារ&nbsp;Raphael Varane</figcaption></figure>គួររម្លឹកផងដែរថា ខ្សែការពារ Raphael Varane បង្ហាញខ្លួនឲ្យ Real Madrid បាន៣៦០ប្រកួតដោយចំណាយពេលដល់ទៅ១០រដូវកាលជាមួយក្លិប ដោយបានឈ្នះពាន Champions League ៤ និងពាន La Liga ៣ផងដែរ៕<figure style="text-align:center"><img src="https://cms.dmpcdn.com/article/2021/06/12/4441dab0-cb54-11eb-952e-8703c29a4e8e_original.jpg" alt="ខ្សែការពារ&amp;nbsp;Raphael Varane" style="width:100%"/><figcaption>ខ្សែការពារ&nbsp;Raphael Varane</figcaption></figure>ប្រភព៖​ <a href="https://www.dailymail.co.uk/sport/football/article-9675867/Real-Madrid-willing-sell-Raphael-Varane-52m-summer-amid-Man-United.html">dailymail</a>

បើកភ្លើងខៀវហើយ! Real Madrid នឹងលក់តារាជួរមុខរូបនេះក្នុងតម្លៃ៥២លានផោន