ញាក់អ៊េមណាស់! មកទស្សនាគ្រាប់ទី១របស់កម្ពុជាម្សិលមិញ ទេស សម្បត្តិ ញាក់ខ្សែការពារ ប្រ៊ុយណេ ២នាក់ផុយ លើកឲ្យចាន់ចាវតែតបញ្ចូលទី (មានវីដេអូ)

កម្ពុជា៖ ជាការពិតណាស់ កាលពីថ្ងៃព្រហស្បតិ៍ ទី២៩ខែធ្នូ ឆ្នាំ២០២២ កន្លងទៅ ក្រុមគោព្រៃកម្ពុជា បានបើកទ្វារពហុកីឡដ្ឋានជាតិមរតកតេជោទទួលស្វាគមន៍ក្រុមជម្រើសជាតិប្រ៊ុយណេ ក្នុងជំនួបជុំទី៣ ក្នុងពូល A ពានរង្វាន់ AFF Mitsubishi Electric Cup 2022 ។

ក្នុងការប្រកួតនេះដែរ ក្រុមកម្ពុជាពិតជាបង្ហាញទម្រង់លេងបានល្អមែនទែនបើទោះជា របូត១គ្រាប់មុន នៅទីទី២១ រកបានដោយកីឡាករប្រ៊ុយណេ Nur Ikhwan Othman ពោលពួកគេអាចតដៃវិញដល់ទៅ៥គ្រាប់ឯណោះ ដែលរកបានដោយកីឡាករ ជួន ចាន់ចាវ នៅនាទីទី៣១ ខ្សែបម្រើកូនកាត់អាមេរិកNick Taylor នៅនាទីទី៥០(ប៉េណាល់ទី)ខ្សែប្រយុទ្ធ កែវ សុខផេង នៅនាទីទី៧៣ (ប៉េណាល់ទី) និងខ្សែបម្រើប្រយុទ្ធឆ្នើមមកពីក្លិបភ្នំពេញក្រោនកីឡាករ លីម ពិសុទ្ធ នៅនាទីទី៨០ និង​ ៨៨ ។

គួរបញ្ជាក់ដែរថា ប្រកួតបន្ទាប់ ក្រុមកម្ពុជា នឹងត្រូវទៅប៉ះក្រុមថៃនៅថ្ងៃច័ន្ទ ទី២ ឆ្នាំ២០២៣ ខាងមុខ នៅឯកីឡដ្ឋាន Thammasat Stadium វេលាម៉ោង ៧:៣០នាទីយប់។

យ៉ាងណាមិញ សម្រាប់គ្រាប់បាល់ដែលធ្វើឲ្យអ្នកគាំទ្រ នៅកីឡដ្ឋានមានការសរសើរមិនដាច់ពីមាត់នោះ គឺការញាក់របស់ខ្សែការពារទេស សម្បត្តិ ក្រឡុកជើងស្ដាំដាច់ខ្សែការពារប្រ៊ុយណេ ដល់ទៅ២រូប លើកឲ្យ ចាន់ចាវ តែតបញ្ចូលទីគ្រាប់ទី១៕

បើប្រិយមិត្តចង់ជ្រាបច្បាស់ សូមទស្សនាវីដេអូខាងក្រោម៖