កីឡាករ Man UTD ពីររូបនេះទំនងជា អវត្តមានក្នុងការប្រកួតទល់នឹង Nottingham Forest

អង់គ្លេស៖ ខ្សែការពារ Lisandro Martinez និង Raphael Varane ត្រូវគេរំពឹងទុកថានឹងអវត្តមានក្នុងការប្រកួត Premier League ដំបូងគេបន្ទាប់ពីព្រឹត្តិការណ៍បាល់ទាត់ពិភពលោកបញ្ចប់ គឺទល់នឹង Nottingham Forest។​

ភាគីលោក Erik Ten Hag នឹងត្រូវប្រកួតជាមួយ Nottingham Forest នាថ្ងៃទី២៨ខែធ្នូខាងមុខខណៈដែល Varane ជាកីឡាករជម្រើសជាតិបារាំង ទើបនឹងចូលប្រកួតជាមួយ អាហ្សង់ទីន នៅវគ្គផ្ដាច់ព្រ័ត្របាល់ទាត់ពិភពលោក និងត្រូវការពេលសម្រាក។

Lisandro Martinez ក៏ជាកីឡាករក្រុមជម្រើសជាតិអាហ្សង់ទីន ផងដែរដែលបានឡើងមកដល់វគ្គផ្ដាច់ព្រ័ត្របាល់ទាត់ពិភពលោកដូចគ្នា និងបានក្លាយជាម្ចាស់ពានបាល់ទាត់ពិភពលោកឆ្នាំ២០២២។​

​សារព័ត៌មាន Daily Telegraph ក៏បានផ្សាយដែរថា កីឡាករទាំងពីរនេះក៏នឹងអវត្តមានក្នុងការប្រកួត Carabao Cup ទល់នឹង Burnley ផងដែរ ហើយអាចនឹងវិលត្រឡប់មកលេងក្នុងការប្រកួតជាមួយ Wolves នាថ្ងៃទី៣១ខែធ្នូ៕

ប្រភព៖​ metro