បរទេស៖ យោងតាមសេចក្តីរាយការណ៍បានឱ្យដឹងថា មានមនុស្សច្រើនជាង ២ លាននាក់បានធ្វើការស្នើទិញសំបុត្រ ដើម្បីចូលទស្សនាការប្រកួតរវាងក្រុម Paris Saint-Germain ទល់នឹងក្រុម Al-Nassr ដែលមានវត្តមាន Lionel Messi និង Cristiano Ronaldo នៅថ្ងៃទី ១៩ ខែ មករា ខាងមុខ។
ក្លិប Al-Nassr និង Al-Hilal នឹងត្រូវធ្វើការប្រកួតមិត្តភាពជាមួយក្រុម PSG របស់ បារាំង នៅកីឡដ្ឋាន King Fahd International ក្នុងទីក្រុង Riyadh របស់ប្រទេស អារ៉ាប៊ីសាអ៊ូឌីត, ខណៈកីឡដ្ឋាននេះ ត្រូវបានគេដឹងថា គឺអាចផ្ទុកអ្នកទស្សនាសរុបបានចំនួន ៦៨,០០០ នាក់។
ប៉ុន្តែអ្វីដែលគួរឱ្យភ្ញាក់ផ្អើល គឺមានមនុស្សដល់ទៅជាង ២ លាននាក់ឯណោះ ដែលកម្មង់ចង់បានសំបុត្រ ដើម្បីទៅទស្សនាការជួបគ្នាផ្ទាល់រវាង Messi និង Ronaldo នៅកីឡដ្ឋាន បន្ទាប់ពីអ្នកទាំង ២ ខកខានការជួបគ្នារយៈពេលជាង ២ ឆ្នាំមកហើយ, ទោះបីយ៉ាងណាក៏ដោយ កីឡាដ្ឋានមួយនេះគឺអាចផ្ទុកអ្នកទស្សនាបានតែជិត ៧០,០០០ នាក់ប៉ុណ្ណោះ៕
ប្រភព៖ Sportskeeda