<p><b>បរទេស៖</b>&nbsp;ក្លិបអ្នកមានបុណ្យ Barcelona កំពុងសម្លឹងមើលលទ្ធភាព​ក្នុងការផ្ទេរយកខ្សែបម្រើ <b>Bernardo Silva</b> របស់ក្លិបមេឃខៀវ Manchester City ហើយអាចនឹងផ្តល់កិច្ចព្រមព្រៀងដោះដូរមួយពាក់ព័ន្ធជាមួយនឹងខ្សែបម្រើ <b>Frenkie de Jong </b>។</p><p>ខ្សែបម្រើសញ្ជាតិព័រទុយកាល់ខាងលើ បានទាក់ទាញការចាប់អារម្មណ៍ពី Barca កាលពីរដូវក្តៅមុន មុនពេលដែលគេ សម្រេចចិត្តជ្រើសរើសស្នាក់នៅកីឡដ្ឋាន Etihad បន្ត ខណៈរដូវកាលនេះ​គេ​ស៊ុត​បញ្ចូល​ទី​បាន 11 គ្រាប់ និង​បញ្ជូន​បាល់​ឱ្យមិត្តរួមក្រុមបញ្ចប់ទីបាន៥ដង។</p><figure style="text-align:center"><img src="https://cms.dmpcdn.com/article/2022/03/20/e9aca410-a823-11ec-8c3e-01d1f093a75c_original.png" alt="" style="width:100%"/></figure><p>ក្លិបយក្សតំបន់កាតាឡានចាប់អារម្មណ៍ក្នុងការចុះហត្ថលេខាលើ Silva ហើយស្របពេលដែលពួកគេមានភាពយ៉ាប់យ៉ឺនផ្នែកហិរញ្ញវត្ថុនោះ ពួកគេអាចនឹងផ្តល់ខ្សែបម្រើកណ្តាល de Jong ជាថ្នូរដោះដូរ នេះបើយោងតាមការចុះផ្សាយរបស់កាសែត ​​Mundo Deportivo ។</p><figure style="text-align:center"><img src="https://cms.dmpcdn.com/article/2022/05/07/7b3639d0-cdec-11ec-9b7c-f9a98f8e9037_original.png" alt="" style="width:100%"/></figure><p>កិច្ចព្រមព្រៀងនេះអាចដំណើរការប្រកបដោយសក្តានុពល ក៏ព្រោះតែលោក Pep Guardiola ដែលជាគ្រូបង្វឹករបស់ Man City ជាអ្នកកោតសរសើរយ៉ាងខ្លាំងចំពោះសមត្ថភាព de Jong ។តាមពិតទៅ គ្រូបង្វឹកសញ្ជាតិអេស្ប៉ាញរូបនេះចង់ចុះហត្ថលេខាយក de Jong ពី Ajax កាលពីបីឆ្នាំមុន ប៉ុន្តែក្លឹបត្រូវបានក្លិប Barcelona ថ្ពក់យកបានមុន។</p><p>គួរបញ្ជាក់ដែរថា Barcelona បានដាក់តម្លៃខ្លួន ៥៨លានផោន លើ de Jong ខណៈក្រុមក្បែរខាងរបស់ Man City ក្លិបបិសាចក្រហម Manchester United ក៏ចាប់អារម្មណ៍ខ្លាំងទៅលើជម្រើសជាតិហូឡង់រូបនេះផងដែរ៕</p><figure style="text-align:center"><img src="https://cms.dmpcdn.com/article/2022/05/07/7c68ed70-cdec-11ec-9b7c-f9a98f8e9037_original.png" alt="" style="width:100%"/></figure><p><b>ប្រភព៖​</b> <a href="https://m.allfootballapp.com/news/Headline/2826756?id=2826756&amp;type=share&amp;language=en">AF</a></p><div><h2>ដៃគូរសហការ One Football</h2><div style="margin:0 auto;max-width:100%;min-width:300px"><div style="position:relative;padding-bottom:56.25%;height:0;overflow:hidden"><iframe style="width:300px;min-width:100%;position:absolute;top:0;left:0;height:100%;overflow:hidden" src="https://embed.dugout.com/v2/?p=eyJrZXkiOiIiLCJwIjoidHJ1ZS1kaWdpdGFsLWtoIiwicGwiOiJnR2hGSHdZYSJ9" referrerPolicy="no-referrer-when-downgrade" width="100%" frameBorder="0" allowfullscreen="" scrolling="no"></iframe></div></div></div>

ហ៊ានដូរអត់? ឲ្យ De Jong ទៅបាន ប៉ុន្តែ Man City ត្រូវប្រគល់តារាឆ្នើមរបស់ខ្លួនរូបនេះ មកឲ្យ Barca ជាថ្នូរដោះដូរ