អីយ៉ាស់! Ronaldo ត្រូវគេប្រទះឃើញ​ថា ត្រឡប់ទៅហ្វឹកហាត់នៅអតីតក្លិបខ្លួនមួយនេះវិញហើយ

អេស្ប៉ាញ៖ យោងតាមអ្នកកាសែត Fabrizio Romano គឺ ខ្សែប្រយុទ្ធ Cristiano Ronaldo ត្រូវបានគេប្រទះឃើញថាបានទៅហ្វឹកហាត់នៅទីលានហ្វឹកហាត់ Valdebebas របស់ក្រុម Real Madrid នៅឯប្រទេសអេស្ប៉ាញ។​

Ronaldo បានផ្ដាច់កុងត្រាជាផ្លូវការជាមួយ Manchester United ហើយមកទល់ពេលនេះរូបគេមិនទាន់ស្វែងរកក្លិបថ្មីបាននៅឡើយទេ ទើបឈានដល់ការមកហ្វឹកហាត់នៅ Real Madrid ដើម្បីរក្សាកាយសម្បទា។​

ម្ចាស់ពាន Ballon d'Or រូបនេះបានមកហ្វឹកហាត់ដាច់ដោយឡែកតែម្នាក់ឯងគត់គឺពុំមែនហ្វឹកហាត់រួមជាមួយកីឡាករ Real Madrid ផ្សេងទៀតនោះឡើយ ខណៈដែលគេខកខានមកទីនេះជាង៤ឆ្នាំមកហើយ តាំងពីចាកចេញក្នុងឆ្នាំ២០១៨៕