លោក Jose Mourinho ចេញមុខមកនិយាយរឿងអ្នកចាំទីរបស់ Man Utd បែបនេះ

បរទេស៖ លោក​ Jose Mourinho ដែលជាអតីតអ្នកចាត់ការរបស់បិសាចក្រហម​ Manchester United បានចេញមុខមកនិយាយរឿងតំណែងអ្នកចាំទីដៃទីមួយនៅ Manchester United ដោយលោកបានយល់ឃើញថា Dean Henderson ពិតជាមានសមត្ថភាពគ្រប់គ្រាន់ហើយសម្រាប់ជំនួស David De Gea នាពេលនេះ។

លោក Jose Mourinho បាននិយាយសរសើរពួកគេទាំងពីរនាក់ថាជាអ្នកចាំទីដ៏ល្អ តែលោកក៏បាននិយាយដែរថា Henderson ពិតជាអាចជំនួសរៀមច្បង David De Gea ក្នុងនាមជាអ្នកចាំទីដៃទីមួយបានមែន។

លោកក៏បានបន្តដែរថា លោកធ្លាប់ជួប Henderson នៅ Manchester United ហើយអ្នកចាំទីរូបនោះប្រាប់លោកថា រូបគេនឹងខិតខំធ្វើគ្រប់យ៉ាងដើម្បីក្លាយជាជម្រើសទីមួយ ដែលទាំងនេះជាអ្វីដែលកំពុងតែកើតឡើង៕