Conte អាចនឹងក្លាយជាគ្រូបង្វឹកដែលមានប្រាក់ឈ្នួលថ្លៃបំផុតលើលោក ពេលមកដឹកនាំ Spurs
គ្រូបង្វឹកសញ្ជាតិអុីតាលី លោក Antonio Conte កាន់តែខិតជិតនិងក្លាយជាគ្រូបង្វឹកថ្មីរបស់ Spurs ហើយប្រាក់ឈ្នួលរបស់គាត់ត្រូវបានគេកំណត់រួចរាល់ហើយ ដែលជាតំលៃខ្ពស់ដាច់គេមួយ តួលេខនេះមានចំនួនពី ១៥ ទៅ ២០ លានអឺរ៉ូ ។
លោក Conte មានសមិត្តិផលធំគួរសម ពោលគឺទើបតែជួយឲ្យ Inter Milan លើកពាន Serie A ថ្មីៗ ក្រោយពេលចំណាយពេលដឹកនាំក្រុមបានត្រឹម២រដូវកាលប៉ុណ្ណោះ ។ បើយោងតាមកាសែត La Stampa បានឲ្យដឹងថា Spurs បានផ្តល់ជូន Conte នូវកញ្ចប់ប្រាក់ឈ្នួលចន្លោះពី ១៥លាន ទៅ ២០លានអុឺរ៉ូ ដើម្បីជំរុញគាត់ឲ្យមកកាន់ទឹកដីទីក្រុមឡុង ហើយកញ្ចប់ប្រាក់ឈ្នួលនេះផងដែរនឹងធ្វើឲ្យគ្រូបង្វឹករូបនេះក្លាយជាគ្រូដែលមានប្រាក់ឈ្នួលខ្ពស់បំផុតលើលោកទៀតផង។
តែយ៉ាងណាមិញ តំលៃប្រាក់ឈ្នួលជាក់ស្តែងនៅតែកំពុងត្រូវបានធ្វើការចចារគ្នារវាងភាគីទាំង២ ខណៈដែល Conte កាន់តែខិតជិតមែនទែនក្នុងការព្រមព្រៀងលើសំណើរនេះ ។ បើទោះជាការផ្តល់ជូនរបស់ Spurs តំលៃខ្ពស់យ៉ាងនេះក្តី បើតាមសម្ថភាពដឹកនាំរបស់លោក Conte គឺលើកអាចនឹងទទួលបានប្រាក់ឈ្នួលច្រើនជាងនេះក៏ថាបាន៕
ប្រភព៖ besoccer