ទោះបែកក៏នៅនឹក! Messi ថាគេនៅតែមានទំនាក់ទំនងជាមួយកីឡាករបីរូបនៅក្លិប Barca

November 2, 2021

បារាំង៖ ខ្សែប្រយុទ្ធ Lionel Messi បានបង្ហើបថាគេនៅតែទាក់ទងជាមួយអតីតមិត្តរួមក្រុមបីរូបនៅ Barcelona បើទោះបីជាគេបានផ្លាស់មកក្លិប Paris Saint-Germain ហើយក៏ដោយ។

កាលពីខែកក្កដាកន្លងទៅ Messi បានចាកចេញពីក្លិប Barcelona ដោយសារច្បាប់ហិរញ្ញវត្ថុរបស់ La Liga និងផ្ទេរទៅទឹកដី Parc des Princes នៅឯប្រទេសបារាំង ប៉ុន្តែកីឡាករសញ្ជាតិអាហ្សង់ទីននៅតែនឹករលឹកអតីតមិត្តរួមក្រុម ហើយថ្មីៗនេះគេក៏បានបង្ហើបដែរថាចង់វិលត្រឡប់ទៅ Barcelona ក្នុងនាមជាលេខាធិការបច្ចេកទេសទៀតផង។

យ៉ាងណាមិញ Messi បានប្រាប់បន្ថែមទៀតថាគេនៅតែមានទំនាក់ទំនងជាមួយកីឡាករនៅ Barcelona ដូចជា Sergio Aguero ដែលទើបផ្លាស់ពី Manchester City មក Barcelona និង Sergio Busquets ព្រមទាំង Jordi Alba ផងដែរ។

Messi បានថ្លែងប្រាប់ Sport ថា៖

បាទ ខ្ញុំនៅនិយាយជាមួយ Kun Aguero ដែលមិនមែនជាមិត្តរួមក្រុមនៅ Barca ទេតែជាមិត្តជិតដិត ហើយនៅទាក់ទង Busquets និង Jordi Alba ដែរ។អ្នកដែលខ្ញុំរំពឹងទុកថានឹងគាំទ្រខ្ញុំគឺនៅតែគាំទ្រខ្ញុំ ពួកគេបាននៅជាមួយខ្ញុំនិងគាំទ្រខ្ញុំជានិច្ច។
— ខ្សែប្រយុទ្ធ Lionel Messi

ប្រភព៖ football-espana

ដៃគូរសហការ One Football

អានបន្ថែម