និយាយលែងចេញ! លោក Desailly ថាលោកស្ទើរស្រក់ទឹកភ្នែក ពេលដឹងថាគេគ្រប់គ្នា មិនសូវឲ្យតម្លៃកីឡាករឆ្នើមរបស់ R.Madrid រូបនេះ

January 12, 2022

បរទេស៖ វីរបុរសក្លិប Chelsea លោក Marcel Desailly ថា លោកស្ទើរស្រក់ទឹកភ្នែក ពេលដឹងថា កីឡាករ Karim Benzema របស់ក្លិប Real Madrid មិនសូវមានគេសរសើរ។

ជាការពិតណាស់ Benzema បានផ្លាស់មកពីក្លិប Lyon មកកាន់ R.Madrid តាំងពីឆ្នាំ ២០០៩ មកម្ល៉េះ ហើយមកទល់ពេលនេះ គេបង្ហាញខ្លួនឲ្យ R.Madrid បាន ៥៨៤ប្រកួត និង រកគ្រាប់បាល់បាន ៣០១គ្រាប់ហើយ។ លើសពីនេះផងដែរ Benzema ក៏ធ្លាប់ជួយ R.Madrid ឲ្យឈ្នះពានធំៗមួយចំនួនផងដែរដូចជា ឈ្នះពាន La Liga ចំនួនបីដង, និង ពាន Champion League ចំនួន ៤ដងផងដែរ។

កីឡាករ Karim Benzema — កីឡាករ Karim Benzema

លោក Desailly បាននិយាយថា៖

ពេលខ្ញុំនៅជុំគ្នាជាមួយមិត្តភក្តិខ្ញុំម្តងៗ ហើយពេលដែលនិយាយអំពីកីឡាករល្អៗក្នុងប្រវិត្តសាស្រតបាល់ទាត់ ខ្ញុំតែងតែលួចសួរគេស្ងាត់ៗថាមានកីឡាករណាខ្លះដែលល្អហ្នឹង ក៏ប៉ុន្តែគ្មាននរណាម្នាក់លើកឈ្មោះ Benzema ឡើងទេ ហើយរឿងនេះវាមិនគួរកើតឡើងទេសម្រាប់ Benzema ព្រោះស្ថិតិរបស់គេបានបញ្ជាក់ច្បាស់ណាស់ថា គេជាខ្សែប្រយុទ្ធដ៏អស្ចារ្យម្នាក់ដែរ ខ្ញុំស្ទើរតែស្រក់ទឹកភ្នែកហើយគ្រាន់តែថា គេគ្រប់គ្នាមើលរំលង Benzema បែបនេះ៕
— លោក Marcel Desailly

ប្រភព៖ sportskeeda

ដៃគូរសហការ One Football

អានបន្ថែម