អឺរ៉ុប៖ យោងតាមសេចក្ដីរាយការណ៍បានឲ្យដឹងថា​ក្លិបកាំភ្លើងធំ Arsenal កំពុងត្រៀមដាក់សំណើផ្ទេរយកខ្សែបម្រើវ័យក្មេងMartin Odegaard ស្របពេល Real Madrid ក៏មានបំណងបញ្ចេញរូបគេ ដើម្បីប្រមូលថវិការ ទិញយកខ្សែប្រយុទ្ធកំពុងឡើងកូដErling Haaland ឬ Kylian Mbappe ។<figure style="text-align:center"><img src="https://cms.dmpcdn.com/article/2021/04/03/9867f130-9452-11eb-bea4-9b7a915c0478_original.png" alt="" style="width:100%"/></figure>ខ្សែបម្រើសញ្ជាតិន័រវែស វ័យ២២ឆ្នាំបានមកចូលរួមជាមួយ​ Arsenal ក្នុងកិច្ចសន្យាខ្ចីជើងកាលពីខែមករា ឆ្នាំ២០២១​កន្លងទៅ ខណៈគិតមកទល់ពេលនេះ គេបង្ហាញខ្លួនក្នុងក្រុមលោក MikelArteta បាន១២ប្រកួត ក្នុងនោះរកបាន២គ្រាប់។<figure style="text-align:center"><img src="https://cms.dmpcdn.com/article/2021/04/03/9a0d63d0-9452-11eb-8b27-db7c51a78b67_original.png" alt="" style="width:100%"/></figure>ជាមួយគ្នានេះ បើតាមសេចក្ដីរាយការណ៍កាលពីពេលថ្មីៗកន្លងទៅ Odegaard ស្ថិតក្នុងចំណោមកីឡាករទាំង៩រូប ដែល Real Madridគ្រោងបញ្ចញដើម្បីប្រមូលលុយទិញ&nbsp; Haaland ឬ Mbappe ដោយខ្សែប្រយុទ្ធទាំងពីរ ក្នុងម្នាក់មានតម្លៃខ្លួនអាចនឹងលើស១៥០លានផោនឯណោះ។<figure style="text-align:center"><img src="https://cms.dmpcdn.com/article/2021/04/03/9a8293d0-9452-11eb-8b27-db7c51a78b67_original.png" alt="" style="width:100%"/></figure>យោងតាមការចុះផ្សាយរបស់កាសែត TheTimes ក្លិបជើងឯក Champions League ១៣សម័យ Real Madrid អាចនឹងដាក់លក់ Odegaardក្នុងតម្លៃ៣៥លានផោន (ឬប្រមាណ ៤៨លានដុល្លារ) ក្រោយលោកZinedine Zidane មិនមានកៅអី១១នាក់ដំបូងសម្រាប់រូបគេ។<figure style="text-align:center"><img src="https://cms.dmpcdn.com/article/2021/04/03/9b482dc0-9452-11eb-8b27-db7c51a78b67_original.png" alt="" style="width:100%"/></figure>ជាក់ស្ដែងក្នុងរដូវកាលនេះ មុនពេលមក Arsenalកីឡាករ Odegaard បានចូលលេងជម្រើសដំបូងតែ៣ប្រកួតប៉ុណ្ណោះ នៅ La Liga និង Champions League ២ប្រកួត ឲ្យ RealMadrid ដោយភាគច្រើនអង្គុយកៅអីបម្រុង៕<figure style="text-align:center"><img src="https://cms.dmpcdn.com/article/2021/04/03/9c1baa60-9452-11eb-bea4-9b7a915c0478_original.png" alt="" style="width:100%"/></figure>

មិនរង់ចាំយូរ! ឆ្លៀតឱកាស R.Madrid ចង់វ៉ៃចេញ Arsenal ត្រៀមដាក់សំណើទិញខ្សែបម្រើរូបនេះផ្ដាច់តែម្ដង