អីយ៉ាស! Isco កំពុង ត្រូវបានក្លិបយក្ស២ នៅ PL ចាប់ចិត្តចង់បាន នៅទីផ្សារដោះដូរខែមករាខាងមុខ

បរទេស៖ យោងតាមសេចក្ដីរាយការណ៍ បានឲ្យដឹងថា ខ្សែបម្រើក្រុម Sevilla កីឡាករ Isco កំពុងជាគោលដៅរបស់ក្លិបយក្ស នៅទីក្រុងឡុងដ៍ Arsenal និង Tottenham Hotspur។

អតីតខ្សែបម្រើ ក្រុម Real Madrid កាលពីពេលថ្មីៗ ត្រូវបានប្រទះ ឃើញថា រូបគេបានសម្រុកចេញពីជុំរុំហ្វឹកហាត់ ដោយសារភាពថា មានភាពតានតឹង ជាមួយ នាយកបច្ចេកទេសផ្នែកកីឡារបស់ក្លិបលោក Ramon Rodriguez ។

ហើយដើមចម ដែលធ្វើឲ្យ Isco មានបញ្ហាជាមួយថ្នាក់លើរបស់ក្លិប គឺដោយសារតែរូបគេ មិនពេញចិត្តដែលក្លិប បណ្ដេញ លោកគ្រូ Julen Lopetegui ចេញ។

ខណៈបច្ចុប្បន្ន លោក Lopetegui ត្រឹមបានក្លិប Wolves នៅ Premier League តែងតាំងធ្វើជាអ្នកចាត់ការទូទៅ ប៉ុន្តែ Isco មិនមានដំណឹងផ្សាភ្ជាប់ជាមួយក្លិបដែលលោក Lopetegui ដឹកនាំនោះទេ។

ផ្ទុយទៅវិញ បើតាមកាសែត The Sun ក្លិប Arsenal និង Spurs ឯណោះទេ ដែលកំពុងតាមប្រមាញ់យកIsco ៕

ប្រភព៖​ AF