ក្រុមណាក្រុមណី? Aguero ទស្សន៍ទាយក្រុមបាន Top 4 នៅ PL រដូវកាលថ្មី

August 5, 2022

អង់គ្លេស៖ អតីតខ្សែប្រយុទ្ធ Sergio Aguero បានទស្សន៍ទាយថាក្រុមដែលដណ្ដើមបានចំណាត់ថ្នាក់ទាំង៤នៅ Premier League រដូវកាលថ្មីនេះគឺ មានដូចជា Manchester City, Liverpool,Chelsea និង Arsenal។

ពិតណាស់ ការប្រកួត Premier League រដូវកាលថ្មីនឹងចាប់ផ្ដើមនៅថ្ងៃសៅរ៍ទី ៦ខែសីហាខាងមុខនេះហើយ ដោយក្នុងនោះគេឃើញថាក្រុមខ្លាំងទាំង៦នៅអង់គ្លេស ដូចជា Manchester City, Manchester United,Chelsea, Tottenham Hotspur, Liverpool និង Arsenal សុទ្ធតែបានមមាញឹកនឹងការទិញយកកីឡាករថ្មីៗមកពង្រឹងក្រុម។

ដោយឡែក Aguero គិតថា មូលហេតុដែល Man UTD មិនទាន់អាចប្រជែងយក Top4 បានគឺដោយសារកំពុងស្ថិតក្នុងការកសាងក្រុមឡើងវិញ ហើយគេក៏បានកោតសរសើរ ខ្សែប្រយុទ្ធ Harry Kane និង Heung-Min Son ជាដៃគូឆ្នើមនៅ Tottenham Hotspur ផងដែរ។

ខ្សែប្រយុទ្ធ Heung-Min Son និង Harry Kane

Aguero បានព្យាករថា៖

ខ្ញុំមិនគិតថាវារាងខុសប្លែកពីអ្វីដែលបានកើតឡើងទេ។ United កំពុងស្ថិតក្នុងដំណាក់កាលរុះរើក្រុឡើងវិញ ជាមួយគ្រូបង្វឹកថ្មី ប៉ុន្តែពួកគេនៅតែមានមុខក្នុងការប្រកួតប្រជែងនេះ។ Chelsea បើទោះបីពួកគេបាត់បង់កីឡាករសំខាន់ក៏ដោយ ជាពិសេសគឺនៅតំបន់ការពារតែពួកគេបានបង្ហាញថាមានការប្រកួតប្រជែងណាស់ និងមាន Sterling ក្នុងក្រុមដែរ។ ដូចគ្នានឹង Tottenham អ៊ីចឹង ជាមួយនឹងគ្រូដូចជា Conte ដែលមានបទពិសោធន៍នៅ Premier League និងតែងតែបង្កើតក្រុមមួយដែលពោរពេញដោយការប្រកួតប្រជែងនិងមានកីឡាករដៃគូឆ្នើមដូចជា Kane និង Son ជាដើម។ ខ្ញុំជឿជាក់ថា ក្រុមដណ្ដើមបាន Top 4 គឺ Manchester City, Liverpool, Chelsea និង Arsenal ។
— អតីតខ្សែប្រយុទ្ធ Sergio Aguero

អតីតខ្សែប្រយុទ្ធ Sergio Aguero — អតីតខ្សែប្រយុទ្ធ Sergio Aguero

ប្រភព៖ sportskeeda

ដៃគូរសហការ One Football

អានបន្ថែម