ថាឲ្យចំៗ! Roy Keane ថា តារាឆ្នើម Man UTD រូបនេះដូចក្មេ.ងទើបចេះលេងបាល់ ក្រោយស្មើ Chelsea យប់មិញ

April 29, 2022

អង់គ្លេស៖ អតីតកីឡាករក្លិប Manchester United លោក Roy Keane បានធ្វើការរិះគន់មកលើទម្រង់លេងរបស់កីឡាករ Marcus Rashford ប្រៀបបានដូចជាក្មេងទើបចេះលេងបាល់។

ជាការពិតណាស់ នៅក្នុងរដូវកាលនេះ Rashford ពិតជាធ្លាក់ទម្រង់លេងខ្លាំងមែនទែន ដោយក្នុងចំណោម២៤ប្រកួតក្នុងក្របខណ្ឌ Premier League គេទើបតែរកបាន៤គ្រាប់ប៉ុណ្ណោះ ហើយ ជាថ្មីម្តងទៀតកាលពីយប់មិញក្នុងលទ្ធផលស្មើគ្នា ១ទល់នឹង១ ជាមួយ Chelsea គេនៅតែបង្ហាញការលេងមិនបានល្អ និង ត្រូវបានប្តូរចេញក្នុងនាទីទី៧៩។

លោក Keane បាននិយាយថា៖

Rashford មិនបានប្រឹងប្រែងឲ្យអស់ពីសមត្ថភាពឡើយ ហើយ ទម្រង់លេងរបស់គាត់មិនស្ថិតស្ថេរឡើយ។ ឥឡូវនេះគាត់មានអាយុ ២៤ ឆ្នាំហើយ គាត់ត្រូវតែបង្ហាញភាពចាស់ទុំបន្ថែមទៀត ហើយ នេះជាកូនសោរដ៏សំខាន់ក្នុងការលេងឲ្យគ្រប់ក្លិបធំៗទាំងអស់។ គាត់ត្រូវតែព្យាយាមឲ្យបានខ្លាំងជាងនេះ ខ្ញុំពិតជាមួរម៉ៅជាមួយគាត់ណាស់។ ដូចដែលខ្ញុំធ្លាប់បានលើកឡើងចឹង Rashford ប្រៀបបានដូចជាក្មេងទើបចេះលេងបាល់៕
— លោក Roy Keane

ប្រភព៖ metro

ដៃគូរសហការ One Football

អានបន្ថែម