បរទេស៖ ក្លិបហង្សក្រហម Liverpool ត្រូវបានគេរាយការណ៍ថា កំពុងពិចារណាចង់លក់ Mohamed Salah ដែលជាខ្សែប្រយុទ្ធស្លាបដ៏មានសក្តានុពលរបស់ខ្លួនចេញហើយ។
ជាការពិតណាស់ Salah បានក្លាយជាកម្លាំងចលករដ៏សំខាន់របស់ Liverpool ចាប់តាំងពីរូបគេចាកចេញពី Roma ផ្លាស់មកកាន់ទឹកដី Anfield នៅឆ្នាំ ២០១៧ ហើយខ្សែប្រយុទ្ធសញ្ជាតិ អេហ្ស៊ីប រូបនេះបានក្លាយជាដៃគូដ៏ល្អឥតខ្ចោះជាមួយ Roberto Firmino និង Sadio Mane។
ប៉ុន្តែចាប់តាំងពី Mane ចាកចេញទៅ នៅរដូវកាលនេះ Liverpool ហាក់ធ្វើពុំសូវបានល្អប៉ុន្មាននោះទេ ក្រោមការដឹកនាំរបស់លោក Klopp, ខណៈបច្ចុប្បន្នក្រុមរហស្សនាមហង្សក្រហមកំពុងឈរនៅលេខរៀងទី ៩ ឯណោះនៃក្របខណ្ឌ Premier League។
យោងតាមការចុះផ្សាយរបស់សារព័ត៌មាន អ៊ីតាលី Italia Outlet Calciomercato បានឱ្យដឹងថា Liverpool ឥឡូវនេះគឺកំពុងពិចារណាចង់លក់ Salah ដែលជាតួអង្គដ៏សំខាន់ម្នាក់ទៀត ហើយនិងធ្វើការទិញចូល Federico Chiesa ខ្សែប្រយុទ្ធរបស់ Juventus មកជំនួសវិញ៕
ប្រភព៖ Sportskeeda