អ្នកណា? លោក Pep ថាលោកពេញចិត្តទម្រង់លេងកីឡាកររបស់ PSG រូបនេះណាស់

September 29, 2021

អឺរ៉ុប៖ អ្នកចាត់ក្រុម Manchester City លោក Pep Guardiola បង្ហាញការកោតសរសើរចំពោះខ្សែបម្រើ Marco Verratti របស់ Paris Saint Germain បន្ទាប់ពីបរាជ័យក្នុងការប្រកួតពានរង្វាន់ Champions League កាលពីយប់មិញ។

ជាការពិតណាស់ PSG បានផ្តួល Man City ក្នុង លទ្ធផល ២-០ នៅឯកីឡដ្ឋានរបស់ខ្លួន Parc des Princes ដោយអ្នករកគ្រាប់បាល់បានរួមមាន Idrissa Gueye និង Lionel Messi។ ទោះបីជា Messi ដែលជាអតីតកូនក្រុមសំណព្វរបស់លោក បានរកគ្រាប់ដំបូងសម្រាប់ PSG ក៏ដោយ ប៉ុន្តែជាកីឡាករ Verratii ឯណោះវិញទេដែលធ្វើឲ្យទាក់ទាញចិត្តលោក Pep ដោយសារទម្រង់លេងដ៏គួរឲ្យកត់សម្គាល់របស់គេ។

លោក Pep បាននិយាយថា៖

ខ្ញុំស្រលាញ់ការលេងរបស់ Verratti ណាស់។ គេពិតជាពិសេសមែន កាលពីយប់មិញ។ ទោះជាស្ថានភាព នៅលើទីលាន មានសម្ពាធដល់កម្រិតណា ក៏គេនៅតែរកវិធីបញ្ចូនបាល់ចេញបាន។ គេមិនមែនជាកីឡាករដែលចូលចិត្តលេងបញ្ចូនបាល់ឆ្ងាយទេ តែគេជាកីឡាករម្នាក់ដែលអាចគ្រប់គ្រងស្ថានការនៅលើទីលានបាន។ គេពិតជាអស្ចារ្យខ្លាំងណាស់កាលពីតង់ទី១ ពួកយើងទើបតែអាចរកវិធីទប់ទល់គេបាន នៅតង់ទី២ ទេ៕
— Pep Guardiola

ប្រភព៖ Goal

ដៃគូរសហការ One Football

អានបន្ថែម