PSG អាចនឹងត្រៀមចែកផ្លូវជាមួយខ្សែប្រយុទ្ធឆ្នើម Kylian Mbappe នៅរដូវក្តៅនេះ
បរទេស៖ PSG កំពុងអស់ការអត់ធ្មត់ក្នុងកិច្ចចរចាកុងត្រាជាមួយ Kylian Mbappe ហើយសុខចិត្តឱ្យគាត់ទៅក្នុងតម្លៃខ្លួននៅចន្លោះពី ១០០ លានផោនទៅ ១៣០ លានផោននៅរដូវក្តៅនេះ។
ម្ចាស់ពានរង្វាន់បាល់ទាត់ពិភពលោក ដែលត្រូវបានគេមើលឃើញថាជាកីឡាករមានទេពកោសល្យដ៏ឆ្នើមមួយរូបនៅក្នុងពិភពបាល់ទាត់នោះនៅសល់ពេលតែមួយឆ្នាំទៀតប៉ុណ្ណោះក្នុងកិច្ចសន្យារបស់គាត់ជាមួយក្លិបយក្សបារាំងដែលមានបំណងរក្សាទុកកីឡាករវ័យ ២២ ឆ្នាំរូបនេះបន្ទាប់ពីមើលឃើញថាគាត់កំពុងឡើងជើងយ៉ាងខ្លាំង។
ប៉ុន្តែក្រុមជើងឯករង Champions League កាលរដូវកាលមុន ឥឡូវនេះកំពុងស្ថិតក្នុងស្ថានភាពមិនសូវល្អឡើយបន្ទាប់ពីមានការយឺតយ៉ាវលើការពិភាក្សាកុងត្រាជាមួយកីឡាករសញ្ជាតិបារាំង ហើយឥឡូវនេះក៏អាចត្រៀមខ្លួនជាស្រេចក្នុងការដាក់លក់គាត់នៅរដូវក្តៅនេះក្នុងតម្លៃចន្លោះពី ១០០ លានផោនទៅ ១៣០ លានផោន ដូចដែលបានរាយការណ៍ដោយ Le Parisien ហើយក្រុមដែលចាប់អារម្មណ៍ខ្លាំងលើ Mbappe គឺ Liverpool និង Real Madrid។
PSG បានចំណាយប្រាក់ ១៦៦ លានផោនសម្រាប់រូបគេដើម្បីចុះកុងត្រាពី Monaco កាលពីឆ្នាំ ២០១៧ នៅពេលដែលគាត់នៅក្មេងនៅឡើយ ប៉ុន្តែប្រធានក្លិប និងលោក Mauricio Pochettino ក៏ត្រូវប្រុងប្រយ័ត្នផងដែរចំពោះការបាត់បង់គាត់ដោយទទេនៅរដូវកាលក្រោយ។
ជាមួយនឹងតម្លៃដែល PSG បានដាក់ចេញនឹងធ្វើឱ្យកីឡាករសញ្ជាតិបារាំងរូបនេះមានតម្លៃទាបជាងខ្សែប្រយុទ្ធជួរមុខរបស់ក្លិប Dortmund គឺ Erling Haalandd ដែលមានតម្លៃ ១៥៤ លានផោន។
Mbappe បានប្រាប់ RTL អំពីការរិះគន់ដែលលោកទទួលបានពីបណ្តាញសារព័ត៌មានបារាំងថា៖