គ្មានទៅណាទេ! មេធំ PSG មានទំនុកចិត្តថា តារាឆ្នើមរូបនេះ នឹងមិនចាកចេញពីក្លិបនៅទីផ្សារដោះដូរខែមករាខាងមុខនោះទេ
បរទេស៖ រឿងរ៉ាវក្លឹបបន្ទាប់របស់ Lionel Messi គឺជាអ្វីដែលត្រូវបានពិភាក្សាជាញឹកញាប់ នៅក្នុងពិភពបាល់ទាត់ នាពេលបច្ចុប្បន្ន។ ខ្សែប្រយុទ្ធសញ្ជាតិអាហ្សង់ទីន ត្រូវបានផ្សារភ្ជាប់ជាមួយនឹងក្លឹប Inter Miami ក៏ដូចជាការវិលត្រឡប់ទៅកាន់ក្លឹប Barcelona ផងដែរ។
ទោះបីជាយ៉ាងនេះក្តី ប្រធានក្លឹបបច្ចុប្បន្នរបស់គាត់ Paris Saint-Germain សង្ឃឹមថា Messi នឹងបន្តនៅជាមួយក្លឹប រហូតដល់បញ្ចប់កិច្ចសន្យាបច្ចុប្បន្នរបស់គាត់ ខណៈកុងត្រានេះ នឹងផុតសុពលភាពនៅចុងបញ្ចប់នៃរដូវកាលនេះ។
ថ្លែងទៅកាន់ Sky Sports ប្រធានក្លឹប PSG លោក Nasser Al-Khelaifi បានបញ្ជាក់ថា គាត់នឹងជួបជាមួយ Messi ក្នុងខែមករា ដើម្បីពិភាក្សាអំពីអនាគតរបស់គាត់៖
Al-Khelaifi បានបង្ហាញពីទំនុកចិត្តរបស់គាត់ថាកីឡាករវ័យ ៣៥ឆ្នាំនឹងបន្តនៅក្នុងរដ្ឋធានីរបស់ប្រទេសបារាំងដោយលើកឡើងពី ទម្រង់លេងរបស់គាត់ថាជាកត្តាសំខាន់សម្រាប់ឆន្ទៈរបស់ Messi ក្នុងការបន្តនៅក្លឹប។
ប្រភព៖ AF